سعيد اول ما شاف أحمد اتنفض من مكانو والغضب مالي جوفو و مسيطر عليهو تمامآ
سميه عرفت نقطه ضعفو وعرفت من وين تدخل ليهو
سعيد : احمد كنت وين لحدي هسي ؟؟
أحمد : كنت بلعب مع صاحبي يا ابوي ؛ انت مالك المضايقك كده شنو ؟؟
سعيد : انا حأسالك كم سؤال وعايزك ترد علي بأختصار ومن غير كلام كتير انت عارف اني ما بحب اللف والدوران
أحمد : عارف يا ابوي
حاضر أسال
سعيد : صاحبك الكنت معاهو اسمو منو وقدر شنو واخلاقو كيف ؟؟
أحمد : اسمو عمار يا ابوي وبقرا في سنه ثامن واخلاقو ما كعبه بس مرات عندو تصرفات ما كويسه وانا ..
سعيد : بس ✋ السؤال التاني صليت العصر والمغرب في الجامع الليله ؟
أحمد : لا يا ابوي اصلي انا الليله ..
سعيد : السؤال التالت انت عزمت عمار ده بكره عندنا هنا ؟؟
أحمد : اي يا ابوي 😊 اصلو خالتي ...
طاااااااخ ضرب سعيد أحمد علي وشو بكل قوتو وكانو بفرغ فيهو كل الغضب الجواهو
وعاد الكف مره واتنين وتلاته وهو ببكي بحرقه وبقول ليهو ده الانا علمتك ليهو دي وصيه ساره ليك ؟؟؟؟؟
واحمد ببكي وهو بقول ليهو انا مالي يا ابوي انا عملت شنو 😭😭
ضربو سعيد تاني وقالو ليهو كمان بتستهبل !! اتعلمت الكذب كمان ما عارف عملت شنو
اااااه يا وجعه قلبي عليك يا ولدي اااه يا ربي ضاع املي في ولدي
سميه : سعيد كفايه قطعت قلبي كل مشكله وليها حل
أحمد : انا مالي يا خالتي عملت شنو 💔
سعيد كان عايز يمد ايدو تاني علي أحمد بس وقفتو سميه وقالت ليهو
سميه : كفايه يا سعيد كفايه الولد حيموت في ايدك والضرب عمرو ما كان حل قوم يا احمد ادخل غرفتك وما تطلع منها الا لما اقول ليك
أتجه احمد نحو غرفتو ووجع قلبو 💔 وكسرت نفسو أكبر بكتيييير من العلامات السابها ضرب ابوهو ليهو قام وهو بفتش لاجابات بفتش لسبب تغير ابوهو من ناحيتو 😔 مشي وهو بقول في نفسو ( معقوله ابوي بقي ما بحبني معقوله تاني ابوي حيبقي مافي وانا حابقي يتيم وينك يا امي ساره تعالي شوفي ابوي اتغير كيف ابوي بقي ما عايزني انا الليله حاسس اني براي حاسس اني وحيد انا الليله فاقدك يا أمي فاقدك 💔)
..سميه : انت غلطان يا سعيد كيف بتضرب احمد بالطريقه دي ! انت كده حتبعدو من الدرب الصاح ذياده ما تفتكتر كده حيتصلح
سعيد : اسكتي منو يا سميه 😡 انا ما طايق نفسي وما عايز اسمع اي حاجه
عن اذنك انا طالع
.. طلع سعيد وفي قلبو وجع ما اقل من وجع أحمد بالعكس أكتر منو بي كتيييير شاف أحلامو وهي بتنهار قدامو ؛ شاف ولدو وهو بضيع منو وتربيتو وهي بتضيع سدي شاف ساره وهي بتقول ليهو ده الوصيتك عليهو يا سعيد دي الامانه الخليتها ليك ؟؟
لي لحظه ما فكر ولا جا علي بالو انو الصوره عندو ما كامله وانو استعجل في الحكم علي ولدو وكل الحصل ده عباره عن فكره خبيثه حاكتها سميه قدامو ورتبت ليها كل الدلائل عشان يصدق
ما فكر لي لحظه انو كان لازم يسمع ولدو ويديهو فرصه يتكلم و يدافع عن نفسو
.. وقفت سميه ماليها أحساس الانتصار 😍 قالت في نفسها ( وأخيرآ يا سميه آخيرا عرفتي تعملي شرخ بين سعيد وولدو اخيرآ عرفتي تشككيهو في تربيه ساره ولسسسه انت ما شفت حاجه يا سعيد دي البدايه وبس )
سميه : ممكن ادخل
أحمد ....
سميه : انا عارفه يا ولدي انو ابوك قسي عليك بالكلام وعارفه انو ما كان مفروض يضربك كده 😔 بس هو معزور يا ولدي وصلو كلام من زول خسيس وما عايز ليكم الخير وابوك ما قدر يتحمل فيك والشيطان شاطر لعب بعقلو ما تزعل منو يا ولدي وسامحو
أحمد : كلام شنو يا خالتي 😭 انا ما زعلان منو هو ابوي ومن حقو يضربني بس انا زعلان عشان انا ما عارف انا عملت شنو ؟ والزول الجاهو منو وقال ليهو شنو 😭
سميه : اول حاجه انت وقف بكي وما تبكي ما تحرق قلبي عليك يا ولدي انت عايزني ابكي انا كمان
أحمد : حاضر بس قولي لي انا عملت شنو عملت شنو
سميه : في زول قال لابوك انو انت مباري ليك ولد اسمو عمار وعمار ده ما كويس وانت بقيت زيو وشافكم بتشربو في سجاير وشافك انت بتسرق في قروش من بيتو
أحمد : انا 😳 انا بشرب في سجائر انا سرقت !!!! ابوي صدق فيني كده ابوي صدق اني بمد يدي علي قروش الناس؟؟؟ وبعمل الغلط من وراهو
سميه : والله يا ولدي انا قدر ما حاولت اهديهو وقدر ما قلت ليهو مستحيل الكلام ده يحصل ومستحيل ولدك الربيتو وشايل من صفات ساره يعمل كده بس بدون فائده هو اصر ما يصدق واصر انو الزول القال ليهو مستحيييل يكذب عليهو وانا غلبني يا ولدي ما عرفت اقول ليهو شنو تاني
أحمد : وده منو القال ليهو كده ؟؟ ده منو المصدقو أكتر ولدو الرباهو علي ايدو ده منو يا خالتي وريني ؟
سميه ..
