يوم العرس قاعد سعيد مهمووم والثواني بتعدي عليهو ببط شديد
حاجه امنه : سعيد يا ولدي مالك قاعد كده بتفكر في شنو ؟؟
سعيد : متضايق ومهموم يا امي ما عارف القرار الانا اخدتو ده صاح ولا غلط
خايف من عواقبو خايف اكون ظلمت اولادي
احمد كبر يا امي ؛ بقي عمرو 7 سنه انا خايف قراري ده يأثر علي نفسيتو خايف يا امي خايف
حاجه امنه : يا ولدي ده كلام شنو البتقول فيهو ده ؛ انت مكبر الامور كده ليه انت ما عملت حاجه غلط ولا عيب ولا اول ولا اخر واحد يعمل كده قرارك ما غلط وسميه بتشيل اولادك في عيونها اطمن
سعيد : ان شاءالله يا أمي انا بتمني والله بتمني
.. الأمين : قاعدين كده بتقولو في شنو ده ما وقت كلام يلا يا سعيد الصلاه قربت
سعيد : كويس امشي قدامي وانا دقايق وبلحقك
ونادي لي احمد ده معاك عليك الله
طلع الامين متجه نحو الجامع وبفتش في احمد ذي ما طلب منو سعيد وصادفو جنب باب الشارع
الأمين : احمد يااا احمد
أحمد : نعم يا عمو الامين
الأمين : أنعم الله عليك يا ولدي امشي جوه لابوك قال دايرك
احمد : حاضر
دخل احمد لابوه بعد ما استأذن منو ودخل
قعد جنو وابتسامتو منوره وشو
أحمد : اي يا ابوي
سعيد : انت متضايق يا ولدي ،؟ انا حاسس اني اتسرعت في قراري ده بس لسه الوقت قدامنا اخليهو الموضوع ده قول لي البريحك شنو يا ولدي
أحمد : انا راحتي في راحتك يا ابوي .. وما متضايق وانت راجل وعملتني الراجل ما برجع في كلمتو وبربطو من لسانو ؛ انا ما زعلان يا ابوي بس لاول مره من امي ماتت احس اني فاقده
سعيد ..
أحمد : ما تقول حاجه يا ابوي يلا نمشي الصلاه جات 😊
مسك سعيد ولدو من ايدو ومشي اول خطوه في صفحتو الجديده الخايف منها شديد وما عارف حتوصلو لوين
.. في بيت مني التحضيرات تمت علي اكمل وجه والضيوف اغلبهم وصلو ؛ جوه الغرفه قاعده سميه مبسووطه وتضحك لاخر ضرس ومعاها سوزان بتعاين ليها ولسان حالا بقول (يا رب استر )
هيثم : مالو الجميل قاعد كده بتفكري في سعيد ولا شنو 😂
سوزان : هيثم 😡 ده ما وقت سخافاتك دي هسي لو في زول سمعك يبقي موضوع من مافي
مصطفي (اكبر من سوزان بي 3 سنوات) : داسين مني شنو انتو الجوز وما دايرين زول يسمعو اعترفو سريع
