الحصل بالنسبه لسميه كان صدمه حياتها في دقايق خسرت كل حاجه ؛ بيتها وزواجها وحب عمرها وفضلت تبكي بحرقه بدون توقف ؛ بس للاسف بالرغم من كل ده ما اتعلمت الدرس ولا زال الحقد الجواها بالعكس زاد زياده والمره دي انضم شخص جديد لقائمتها السوداء (اختها سوزان )
.. أحمد وصل علي بيت مني وصادف مصطفي جنب باب البيت
أحمد : السلام عليكم
مصطفي : اهليييين ابو حميد اخبارك وكيف مع المدرسه
أحمد : والله الحمدلله وانت كيف مع الجامعه 😂
مصطفي : اي اضحك اضحك بكره تبكي
الجامعه احسن منها القعاد في البيت والله بس نقول شنوو الحمممدلله .. وماشي علي وين بجاي
أحمد : جايي بيتكم رسلتني خالتو سوزان
مصطفي : هههههه سوزان بقت خالتو والله عجائب ؛ لقيتها لكن يا سوزي
ورسلتك لشنو خالتك سوزان
أحمد : رسلتني اجيب ليها تلفونها قالت خاتاهو في الشاحن واتذكرت انو عندها مكالمه مهمه ..
مصطفي : لكن ورتنا الاهميه ؛ خلاص دقيقه امشي اجيبو ليك واجي ..
دخل مصطفي غرفه سوزان ولقي تلفونها بضرب وطلع المتصل هيثم
مصطفي : الووووو
هيثم : مالوو صوتك ي بت بقي رجالي كده هههههه
مصطفي : بت منو يا خرفان انت انا مصطفي
هيثم : مصطفي 😨 مالك رديت علي تلفون سوزي ؟ وينا سوزان ؟؟ هي كويسه؟
مصطفي : اهدأ اهدأ ما تخاف كده سوزان في بيت سميه .. وهسي رسلت احمد يجيب ليها التلفون ارجع ليها بعد شويه ..
.. سعيد بعد ما طلع من البيت م عرف يمشي وين واخيرآ قرر انو يتجه لعياده دكتور مرتضي عشان يطمن علي صحه ساره ؛ خاف من انو الحبوب المنومه الكانت بتديها ليها سميه تكون اثرت علي صحتها ..
سعيد : السلام عليكم يا دكتور
دكتور مرتضي : 😳 سعيد .. وعليكم السلام والرحمه
خير ان شاءالله مالكم ،؟؟
سعيد : عايز اعمل فحوصات عامه لساره 💔
دكتور مرتضي : خير ان شاءالله ساره مالا ؟؟
سعيد : بصراحه يا مرتضي انا الليله اكتشفت انو مرتي بتخت حبوب منومه في الاكل لساره وانا خايف تكون أثرت علي صحتها قلت أحسن حاجه أعملا اجيك عشان اطمن عليها انت عارف ما بثق في زول غيرك يا مرتضي طمني علي بتي ارجوك
مرتضي : لا حول ولا قوه الا بالله لا حول ولا قوه الا بالله
سميه دي اكيد مريضه مافي زول بعمل كده مع طلفه صغيره وخصوصآ في سن ذي ده لانو خطر عليها شديد
انت اتصرفت صاح لما جيت هنا ؛
اطمن يا سعيد انا حاوديها عياده دكتور عماد الجنبي ده اخصائي اطفال وح اوصيهو عليها شديد
انت اطمن وسيب الباقي علي وان شاء الله خير ..
.. في بيت حاج محمد علي ابو سعيد قاعده مني مع حاجه امنه
حاجه امنه : مالك يا مني سرحانه كده في شنو
مني : والله ما عارفه يا امنه قلبي مقبوووض وخايفه كده ما عارفه الحاصل شنو
حاجه امنه : سلامه قلبك يا اختي
استغفري وقومي صلي ليك ركعتين وان شاءالله خير
مني : ان شاءالله ربنا يسترا من عندو
.. سوزان : اهدي يا سميه قدر الله وما شاء فعل
انتي كان لازم تفهمي من البدايه انو الشر عمرو ما كان نهايتو خير 😔 والحقد والغل الزرعتي جواك نهايتك حتجي علي ايدو و حتي لو نفسك سمحت ليك وضميرك ما أنبك علي العملتي مع اولاد سعيد ربنا ما حيسيبك و .....
سميه : دقيقه .. انا حاسه اني عطشااانه وريقي ناشف شديد ماشه اشرب لي مويه
سوزان : خليك مرتاحه انا ح امشي اجيبها ليك
سميه : لالا ارتاحي انتي انا حامشي اجيبها واجي
اتجهت سميه نحو المطبخ والشيطان مسيطر عليها كليآ ؛ مشت وفي بالها انو سوزان هي السبب في دمار حياتها هي السبب في خسارتها لسعيد ؛ ولولا تدخل سوزان سعيد ما كان حيعرف حاجه وبيتها ما كان اتدمر وقالت في نفسها ( سوزان بتبشه ساره ؛ سوزان دمرتني ذي ما عملت ساره زمان انا لازم اتخلص منها لازم ما اخليها تعيش انا لازم اقتلها )
وصلت المطبخ والشر مالي عيونها وبدت تفتش علي أكبر سكين موجوده فيهو وآخيرا لقت واحده
وقالت في نفسها (استعدي يا سوزان أستعدي نهايتك ما حتكون الا علي ايدي )
طلعت من المطبخ واتجهت علي سوزان بخطي هادئه شديد واول ما بقت المسافه بيناتهم قريبه صرخت فيها
سميه : انتي السبب في دماري انتي خربتي لي حياتي وخليتني أخسر زواجي واخسر سعيد انتي ساره بوش تاني انتي هي و انا ما ح اخليك تعيشي ما ح اخليك
سوزان اتفزعت اول ما شافت السكين في ايد سميه وحاولت تهرب منها بس سميه كانت اسرع منها وقدرت تحاصرها وتوقعها في الارض
سوزان : سميه انا اختك 😭 سميه ما تخلي الشيطان يغشك ما انا الدمرتك انتي الدمرتي نفسك ؛ حقدك ودواخلك المريضه هي الخربت بيتك ما انا سميه ما انا خليني امشي حرام عليك
كلام سوزان زاد الغضب في قلب سميه وقالت ليها
سميه : انتي ما اختي انتي ساره نفس المثاليه نفس الاخلاق نفس الكلام انت هي بوش تاني وانا لازم اقتلك انا..
سوزان : سميه لا سميه ...
سميه للاسف الشيطان غلبا واتجاهلت توسلات سوزان وانقضت عليها بكللل قوتا طعنتها طعنتين في بطنها وحكمت قضبتها علي السكين وفي نيتها تطعنها مره تالته
بس في اللحظه دي دخل أحمد واول ما شاف منظر سوزان والدم المالي الارض حواليها خاف وصرخ بصوت عالي ابووووووووووووي 😭😭
سميه اول ما شافت أحمد اتوترت وارتبكت ورمت السكين من يديها وجرت علي الشارع باقصي ما عندها وفجأه ..
#يتبع
