سوزان : امي متغيره مني يا هيثم وانا ما عارفه ليه
بقت طوالي زهجانه مني وما طايقه لي كلمه انا بقيت احس اني عبء عليكم ما اكتر
هيثم : بس ولا كلمه كيف عبء علينا ! انتي عبيطه !! انتي نواره بيتنا ونور حياتنا 😍 مش كفايه انا بحبك يلا الباقيين ما مهمين
سوزان : يعني انا بتكلم معاك جاده وانت بتهظر ، اقول غلطانه انا البفضفض معاك ؟
هيثم : لا ما كده بس بتقولي في كلام فاضي اعمل ليك شنو ؟؟ بعدين ما بهظر جااادي انا انتي نوراه البيت ..
وليك حق تزعلي لانو امي ما متعوده تتعامل معاك كده لكن برراااك قلتي #متغيره ؛ يعني هي ما اصلا كده ؛ يبقي اول حاجه نشوف سبب التغير ده شنو ؛ مش احتمال متضايقه من حاجه وما لقت غير بتها حبيبه قلبها تفضي فيها ضيقها
سوزان : بس ..
هيثم : ما بس ولا حاجه ؛ انتي هسي حتوقفي بكي وح توعديني ما تزعلي ؛ وتخلي امي تروق شويه وبعدين تمشي تسأليها المشكله شنو وانا متأكد ح تصالحك وترضيك
سوزان : قلت كده
هيثم : اااي قلت كده ؛ ويلا ابتسمي ؛ انا ماشي اكل ما فاضي ليك
سوزان : أنت عارف انا بحمد ربنا كتييير اني عندي اخ ذيك كده 😍 ما كل البنات محظويين كده
الله يخليكم لي وما يحرمني منكم ..
هيثم : ويخليك لينا يا احلي سوزي في الدنيا وانتي كمان احسن اخت في الدنيا ويااا بختو الحيعرسك
هيثم قدر يتمص ضيق سوزان من غير ما يوضح ليها سبب زعل امو لانو شاف انو ده ما الوقت المناسب يتناقشو في الحاجه دي ؛ والكلام في الموضوع ده هسي غير حيزيد المشكله ما حيعمل شي ..
.. سعيد : السلام عليكم ؛ ازيك يا بتي ؟ ده بيت مجتبي؟
وعليكم السلام والرحمه ؛ اي يا عمو اتفضلو
سعيد : يزيد فضلك
ادخلي قولي ليهو سعيد واخوهو في الباب
مجبتي : 😍 حبابكم حبابكم الليله بيتي نور والله اتفضلو
الأمين : منور بأهلو والله .. كيف صحتك ان شاءالله أحسن
مجبتي : والله الحمدلله تماااام ما عندي عوجه .. كيف يا سعيد وساره كيف ؟؟ وده شنو الجايبو معاك ده ليه مكلف نفسك كده
سعيد : الحمدلله والله كلنا بخير ؛ ما تكلفه ولا حاجه .. حاجه بسيطه للعيال
مجتبي : كتر خيرك والله يا سعيد
يااا بت امونه جيبي الشاي سريع ..
.. في بيت حاج محمد علي ابو سعيد قاعده حاجه امنه ومعاها اسماء مرت الأمين
حاجه امنه : شفتي يا أسماء كلامي ما طلع ساي وسميه أتغيرت
أسماء : تفتكري يا خالتي ؟؟
