سعيد : اسمعيهو اول وبعدين قولي موافقه او لا 😕
سميه ...
سعيد : دقيقه ما تقاطعيني بالله ؛ اول حاجه عايزك تفهمي كويس اني متزوجك عشان اولادي وبس تهتمي بيهم وتراعيهم ويوم البحس انك ما قدر المسؤوليه دي انا برجعك بيت اهلك طوالي ؛ وتاني حاجه انتي ما حتطلبي مني اي شي كزوجه ما لم اعطيك ليهو انا براي لاني حاليآ ما مستعد ولا عايز غير اني اكون اب لاحمد وساره وتالت حاجه عارفك كويس وعارف طبعك بس اليوم البتبقي فيهو مرتي تبطلي حاجاتك الكعبه كلها واكيد عارفه انا قاصد شنو
اها موافقه ؟ ولا اديك فرصه تفكري ؟؟
سميه رسمت ابتسامه خبيثه علي وشها وقالت ليهو بكل ثقه
أكيد موافقه يا سعيد انا والله ما عايزه ولا بهمني شي في الدنيا دي غير راحتك واكيد حاكون ليك نعم الام لاولادك
سعيد : اذن علي بركه الله يوم الجمعه ان شاءالله العقد وكل مستلزماتك وطلباتك مجابه ويلا يا امي نحن نستأذن بعد ده
مني : اقعد اتغدو معانا يا ولدي ما صاح كده
سعيد : معليش يا خالتي الاولاد براهم م بنقدر نطول اكتر من كده اعفي لينا
حاجه امنه : مره تانيه الجايات اكتر يلا مع السلامه
مني : الله يسلمك دقيقه اطلع معاكم ..
وصلت مني سعيد وحاجه امنه جنب الباب وودعتهم ورجعت سريع لبتها سميه
مني : 😒
سميه : 😂 مالك يا امي بتعايني لي كده
مني : بعاين لخيبتك دي انتي يا بت ما نصيحه كيف تقبلي حاجه ذي دي علي نفسك عايزه تقعدي ليهو في البيت خدامه وتربي في الاولاد حتي حقوقك ما عايزاها كمان تتضحكي وفرحانه
سميه : اهدي يا امي وما تنفعلي انتي ما واثقه في بتك ولا شنو
مني : انا كنت قايلاك بتفهمي لكن الليله اثبتي لي انك فهم بتعريفه ما عندك
سميه : ما عرفتيني والله يا امي طيب افهمك
انا وافقت بس عشان العرس ده يتم انتي عارفه سعيد ده ما بلقي زيو كامل مكمل ماشاءالله
وانا من زمان دايراهو بس هو فضل ساره علي وهسي جا الوقت البسترد فيهو مكانتي واثبت ليهو انو غلط وساره م احسن مني وكمان انتقم من اهانات ساره لي
مني : انتي بتفكري في شنو يا بتي حيرتيني
سميه : ما تستعجلي اصبري و بتشوفي برااااك البعملو في سعيد واولاد ساره بس عايزاك ما تخافي علي بتك قااادره وما بتخاف عليها
في اللحظه دي دخلت سوزان الكانت واقفه وبتسمع في كلام سميه ( سوزان اصغر واحده في اخوانها ومختلفه اختلاف شديد عن سميه هااديه وعاقله والرزانه ظاهره في وشها وعمرها 20 سنه )
