سعيد : الشرط ده ما ليك يا امي ليها ؛ حاشوفا اول واتكلم معاها وقدامك بقول شرطي
حاجه امنه : حاضر يا ولدي الأنت عايزو بكون
سعيد : ايوه بس ده شرطي ليك انتي اذا ما وافقت علي كلامي الحقولو انا ما ح اوافق علي العرس وانتي ما حتغصبيني تاني
حاجه امنه : انا موافقه اذا رفضت ما ح اغصبك وح اخليك علي راحتك وانا واثقه انها ما حتصدق مش ما ح توافق دي بتتمني ليك الرضا ترضي 😂
سعيد : خير يا أمي ربنا يسهلها من عندو
حاجه امنه : ان شاءالله ويلا خليهو الكلام ده هسي واضرب لابوك واخوك خليهم يجو للفطور ..
سعيد : حاضر يا أمي
عدت نصف ساعه والجو متوتر شديد في البيت سعيد قاعد سرحااان ما معروف بفكر في شنو ؛ وحاجه امنه بتفكر في شرط سعيد حيكون شنو
وأسماء جعاانه 😂
بتفكر راجلا وابوه بجو متين عشان ياكلو وفجأه دق الباب ومشت اسماء سرييع عشان تفتحو
أسماء : حمدلله علي السلامه مالكم طولتو كده
حاج محمد : الله يسلمك ي بتي والله اتأخرت انا كان عندي شغله كده
الامين : جيبي لينا الفطور سريع والله ميت من الجوع
اسماء : جاهز ادخلو
جلست اسره سعيد حول مائده الطعام والصمت عامي ارجاء المكان قطعتو حاجه امنه
حاجه امنه : بعد تخلص اكلك يا سعيد ارح علي بيت ناس خالتك مني
سعيد : نمشي بعدين العصر يا امي خلي يجي احمد اول واتكلم معاهو هو ما بقي صغير
حاجه امنه : حاضر ذي ما انت عايز يا ولدي
خلصت اسره سعيد افطارها واتجه الامين وابوهو علي شغلهم واسماء علي بيتها وفضل سعيد وحاجه امنه في البيت
سعيد : يا أمي خلي بالك من ساره لو صحت انا تعبان عايز انوم شويه
حاجه امنه : ساره في عيوني ادخل علي غرفتك واخد راحتك
سعيد : طيب ؛ ولما يجي احمد من المدرسه خلي يصحيني
... غمض سعيد عيونو وقرر ينسي كل شي وما يفكر وغط في نوم عميييق ؛ جسمو كان مفتقد احساس الراحه ؛ كان حاسس كانو ليهو سنه ما نام
أحمد : ابوي ابوي اصحي الضهر اذن قبيل قوم الصلاه
سعيد بصوت مبحوح ظاهره فيهو اثار النوم شكلي طولت نايم من التعب ما حسيت
انت كيف ي ولدي ويومك كان كيف في المدرسه
أحمد : الحمدلله يا ابوي كلو تمام والمدرسه حلوووه وانا مبسوط فيها
سعيد : الحمدلله
ان شاءالله دايما يا ولدي مبسوط شد حيلك انا عايزك ترفع راسي وراس امك ساره وافتخر بيك
