رددها الأمين بكل حزن وألم ساره ماتت يا أمي ام أحمد ماتت
أنهمرت دموع حاجه امنه بغزاره شديده وفضل حاج محمد يردد لا حول ولا قوه الا بالله انا لله وانا اليه راجعون إنا لله وانا اليه راجعون
ساره كانت محبوبه جدآ من الكل - معاملتها الطيبه وأحترامها لاهل زوجها سعيد خلت عندها مكانه خاصه جدآ عند حاجه امنه وحاج محمد بقت ليهم بمثابه بتهم الاتحرمو منها من بدري
رددت حاجه امنه باسي والدموع ماليه عيونا
حاجه امنه : لا حول ولا قوه الا بالله يا حليلك يا بتي ويا حليلها كلمه يما منك ويا حليل ولدي واولادك في غيابك
الأمين : يا امي استغفري قدر الله وما شاء فعل وكده بتعذبيها ادعي ليها يا امي ادعي ليها
حاجه امنه : الحمدلله علي ما اراد
حاااره علينا يا ولدي الله يصبرنا علي فراقها ويصبر اولادها وسعيد
سعيد 😨 سعيد وينو يا الامين ولدي كويس ؟؟؟
الأمين : سعيد اغمي عليهو وهو جوه مع الدكتور
حاجه امنه : وااا وجعه قلبي عليك يا ولدي امشي اتطمن عليهو يا ولدي انا خلاص حيلي ما شايلني
الامين : حاضر يا أمي
وفي مشهد تاني أحمد واقف مذهول ما عارف ليه اهلو ببكو ومالو ابوهو ووين امو ساره
أحمد : يا جدو يا جدو انا بقي عندي أخت
حاج محمد مسح علي رأس احمد وقعدو جنبو وقال ليهو
ربنا يخليكم لابوكم تسنديهو ويعيش بيكم
أحمد : امين يا جدو بس يا جدو انا مبسوط لانو حيكون عندي اخت العب معاها وتاني امي ما حتقول لي امشي لحمودي العب معاهو
كسرت كلمات أحمد جدار الصمود الجواهو وانهمرت دموع حاج محمد غصبآ عنو 😭 وردد الحمد لله الحمد لله قدر الله وما شاءالله فعل ..
دخل الأمين غرفه دكتور مرتضي ..
الأمين : طمني يا دكتور سعيد اخوي وضعو كيف هسي
دكتور مرتضي : سعيد الصدمه كانت صعبه عليهو الظاهر انو كان متعلق بساره شديد عشان كده انهار وما قدر يستحمل
الأمين : فراق ساره ح يأثر فينا كلنا يا دكتور وسعيد الله يعينو علي ايامو الجايه وان شاءالله نحن جنبو مع انو ما اظن حنقدر نعوضو غياب ساره المهم يا دكتور هو كيف هسي وحيصحي متين ؟
دكتور مرتضي : هو كويس اديتو حقنه مهدئه وشويه وحيصحي بس خليك جنبو واتذكر اول ما يصحي حيسأل من ساره حاول تهديهو وخلي أحمد ولدو جنبو
الأمين : حاضر يا دكتور
اتحرك الأمين نحو الغرفه الفيها سعيد وقعد جنبو وهو ما عارف حيقول ليهو شنو لما يصحي
