سعيد : أحمد ولدي مالو يا مرتضي
دكتور مرتضي : أحمد اتعرض لصدمه عصبيه شديده ومن الحاله الهو فيها حاليا دي يأسفني اقول ليك أحمد فقد القدره علي الكلام
سعيد : 😳 قصدك شنو يا مرتضي ولدي ما حيتكلم تاني ؟!!
دكتور مرتضي : الصدمات دي بتزول بزوال المؤثر
ان شاءالله ما حيكون للابد بس محتاج فتره يخضع فيها لعلاج نفسي لانو العلاج النفسي هو الراجح في الحالات الذي دي وانا عندي صحبي دكتور نفسي ممكن يساعد
سعيد : لا حول ولا قوه الا بالله راضي بحكمك يا رب راضي بحكمك ..
حاجه امنه : في شنو يا سعيد ؟؟
سعيد : أحمد ولدي الصدمه اثرت عليهو وفقد القدره علي الكلام
حاجه امنه : لا حول ولا قوه الا بالله
وووا وجعه قلبي عليك يا سعيد انا السبب يا ريتني ما اصريت عليك تتزوج سميه يا ريتني ما جبرتك الله يسامحك يا سميه الله يسامحك
.. في بيت حاج علي انتهت مراسم الدفن واتفرقو الناس ما عدا الاهل والمقربين ..
الساعه 1 بعد منتصف الليل قاعد علي مع اولادو التلاته
علي : انت يا ايمن سعيد مشي متين من العزا انا من قبيل ما شايفو
ايمن : سعيد ما جا العزا اصلآ يا ابوي من المقابر قال راجع المستشفي
علي : كيف يعني ؟؟ ما جا وقف في عزاء مرتو وقاعد في المستشفي مع سوزان !! دقيقه ده يعني شنو ؟ معقوله سميه طعنت سوزان عشان ...
هيثم : لا ابوي ما تنطقها ؛ انت لو ما واثق في سعيد ما واثق في تريبه بتك كيف تفكر مجرد تفكير في حاجه زي دي !
علي : طيب تفسر لي موقفو ده بشنو ؟ والاخت طعنت اختها لشنو ؟
مصطفي : اكيد في حلقه مفقوده يا ابوي ما تستعجل في حكمك واستني لما تسمع من سعيد وسوزان
علي : ما بستني اي حاجه انا ماشي هسي المستشفي لسعيد و..
هيثم : يا ابوي اهدا وخت الرحمن في قلبك الصباح رباح
ماشي لسعيد هسي عشان تقول ليهو شنو ؟!!
علي : يا ولد اوعي تنسي انو انا ابوك وما انت البتوريني انا اتصرف كيف
انا ماشي هسي المستشفي وما القي واحد فيكم لا قدامي لا وراي وما تقولو ما حزرتكم ..
.. في المستشفي دكتور مرتضي خلص دوامو وعايز يمشي بعد ده بس فكر يطمن علي سعيد اول
دكتور مرتضي : سعيد انا خلصت خلاص وطالع عايز حاجه قبل ما امشي
سعيد : عايز سلامتك يا مرتضي
طمني سوزان وضعها كيف هسي
دكتور مرتضي : لسه وضعها ما مستقر محتاجه دعواتكم ادعي ليها يا سعيد
