هيثم : ده كلو شايله في قلبك يا أمي
مني : واكتر كمان
انت عارفني براك عمري ما قسيت عليكم ولا زعلت واحد فيكم .. الليله زعلت سوزان وقسيت عليها وخليتها تبكي
هيثم : طيب يا أمي عرفت سميه مالها وبالمناسبه انا كمان كنت عايز اكلمك في الموضوع ده
سميه في الفتره الاخيره دي تصرفاتها كلها غلط وانا لاحظت بتتعامل مع احمد كيف بس خليهو الموضوع ده في حاجه أهم
سوزان مالا ؟ انا ملاحظ ليك ؛
ليك فتره متغيره منها وبتعامليها بقسوه ! هي زعلتك في حاجه او عملت حاجه غلط ؟
مني : اهي سوزان دي القاطعه قلبي وحارقه حشاي 💔 انا ملاحظه ليها من يوم زواج سميه وسعيد هي ما طبيعيه ولا عاجبها حال سميه مع سعيد وعندها حق الحال ما بسر عدو لا صديق
بس المشكله اني حاسه انها مايله لسعيد ما متعاطفه معاهو بس وخايفه يا ولدي تكون دي الحقيقه
هيثم : اهدي يا امي الله يرضي عليك
مش يمكن تكون دي كلها اوهام في راسك بس ؟ وسوزان ما عملت حاجه بتدل علي كده كل الحاصل انها متعاطفه مع اولاد سعيد وشفقانه عليهم
مني : يا ولدي اختك انا عارفاها كويس وعارفه الممكن يكون جواها وحتي دي ما مشكله لاني واثقه فيها وفي تربيتها ومتأكده انها ما حتعمل شي غلط
بس المشكله سعيد
هيثم : سعيد 😳 سعيد مالو يا امي ؟؟
مني : سعيد بقي كلامو مع امو كلوو عباره عن سوزان سوزان ؛ سوزان من جواها بتشبه ساره وبتذكرو بيها وتعلق ساره الصغيره بيها وتعاملها الكويس معاهم خلتو يشوف فيها الشخصيه الحباها في ساره ؛ ودي مصيبه يا ولدي مصيبه لو اتحول الاعجاب ده لشي تاني ومصيبه لو سميه عرفت رأي سعيد في سوزان وتحقد عليها هي كمان
اختك الشيطان مسيطر عليها وقدر ما حاولت انصحها واوجها ما نفع انا حاسه انو بناتي حيضعو مني اعمل شنو يا ولدي اعمل شنو !!
هيثم : لا حول ولا قوه الا بالله .. معقوله ده كلو حاصل وانا ما لاحظت ! ليك حق يا أمي تخافي وتتصرفي كده الشايله جواك ما هين
بس كمان يا أمي دي كلها افتراضات بنيتيها انتي براك وما شرط تكون دي الحقيقه وده الحاصل
وانتي عارفه بتصرفاتك دي غلطتي وممكن تزيدي حجم المشكله يعني بدل ما تفضي غضبك في سوزان قربي منها وشوفي الجواها شنو ما تخليها تحس انها براها .. ولاحظي هي ما عندها ذنب في الحاصل ده كلو وانا من ناحيتي بوعدك اشوف الموضوع ده وما اخليهو يكبر اكتر من كده
بس الله يرضي عليك يا امي روقي وما تتسبقي الاحداث ..
مني : الله يرضي عليك يا ولدي ويريح قلبك يا ذي ما ريحت قلبي وان شاءالله ما يحصل الا الخير ويخليكم لي ..
هيثم : آميييين ويخليك لينا ياا ست الحبايب 😘
مصطفي : أحم احم الحب بين الام وولدا الكبير الله لينا نحن
مني : 😂اصلك ما بتكبر غايتو الله يهديك يا ولدي
مصطفي : آميييين يهدينا جميعآ كده
وين الاكل انا جعان
هيثم : استني ابوي يجي وناكل كلنا انا ذاتي ما اتغديت
مصطفي : طيب .. عن اذنكم ماشي وجاي
هيثم : وعن اذنك انا كمان يا امي ماشي اشوف سوزان
.. مشوار سعيد كان عباره عن زياره لمجتبي (الانقذ ساره من الموت ) سعيد عرف انو اتعافي تمامآ وقال لازم يزورو ويقوم بالواجب ؛ وفي الطريق صادفو الأمين اخوهو
الأمين : سعيد ياااا سعيد
سعيد : الامين .. وين انت يا راجل عاش من شافك
الأمين : موووجود انا انت الما ظاهر بقيت ما شغال بينا ولا بتزورنا
سعيد : معليش والله الشغل ضاغط علي اليومين ديل والولد الكان بساعدني ماخد اجازه عشان كده
الامين : خييير يا زول والله يكون في العون
وماشي علي وين ؟
سعيد : ماشي لمجتبي تتذكرو ؟ الانقذ ساره بتي من الحادث
الأمين : اي بتذكرو راجل بمعني الكلمه ولله الله يكتر من امثالو
سعيد : اللهم امييين ؛ اها تمشي معاي
الامين : جدا
.. في بيت سعيد قاعده سميه بتفكر في خطوتها الجايه وقالت في نفسها ( ان الاوان اخرب علاقه الولد بي ابوهو ؛ لازم ما يفضل لسعيد زول يثق فيهو غيري ولازم يغير طريقه تعاملو لأحمد .. لكن اعمل شنو اعمل شنووو) وفجأه قامت علي حليها وقالت فكرره
سميه : احمد
أحمد : نعم يا خالتو
سميه : صاحبك الحكيت لي عنو قبيل قلت لي اسمو منو؟
أحمد : اسمو عمار يا خالتو 😊
سميه : وده ود منو وساكنين جنب وين
أحمد : ود عمو عبد الرحيم ساكنين نهايه الشارع
سميه : ايوووا عرفتو ؛ طيب انا عايزاك بكره تجيبو معاك البيت تراجعو سوا واهو يشجعك علي القرايه 😊
أحمد : حاضر يا خالتو
مشت سميه من جنبو وهي بتقول في نفسها ( يا سلااام عليك يا حبيب خالتو مسهل لي اموري كلها ..الله يجيب ابوك سريع عشان انفذ الخطوه التانيه 😃 ....)
.. هيثم : ممكن ادخل
سوزان : اتفضل
هيثم : مالو القمر زعلان كده معقوله قمر كده حتي وانتي زعلانه
ياا سلام هسي لو ما كنتي أختي كان حبيتك 🙊
سوزان : ههههههه الحمدلله خلاص اني اختك والا كان ربنا ابتلاني بيك
هيثم : هههههههه كده يا حيوانه الزول اصلوو ما يهظر في البيت ده ؛ غلطان انا الفكرت ارفع ليك معنوياتك
سوزان : 😔
هيثم : اها مالك كرفستي وشك تاني
سوزان ..
#يتبع
