قام سعيد من سريرو مرعوب وخايف جدآ يتكرر معاهو نفس الحصل زمان
سعيد : أحمد مالك ساره وين ساره مالا ؟
أحمد كان ببكي بكاء هستيري لدرجه صوتو بقي مخنوووق شديد وكلماتو ما واضحه
أحمد بصوت ضعيف
ابوي ابوي تعال سريع ساره بره
مسك أحمد سعيد من ايدو متجهين بسرعه نحو باب البيت من غير من يقدم ليهو اي اجابه عن اسئلتو المبهمه
اتحرك سعيد بخطي متثاقله جدآ خايف من الح يشوفو قدامو مرعوب من الحيكون حصل لبتو وموجوع من عواقب اهمال الامانه
قاطع تفكيرو الصامت تجمهر عدد من الناس واصوات متعاليه ومشاده كلاميه بين اتنين
زادت دقات قلبو شديد وجري بسرعه نحوهم وهو بردد بتي بتي
اخترق سعيد تجمع الناس الواقفه لحدي ما وصل للمقدمه واستقر نظرو علي شاب في الثلاثينيات من عمرو وهو راقد في الارض وملابسو مليانه دم وشكلو موجوع شديد
قالا سعيد في نفسو ده منو ؟؟ وعلاقتو شنو ببتي ؟؟ ووينا ساره 😨 قاطعو أحمد
أحمد : يا ابوي ده ياهو الانقذ ساره من العربيه
سعيد : عربيه ؟؟؟؟
اتلفت الشاب المستلقي علي الارض علي سعيد وخاطبو بنره قاسيه
الشاب : انت ابوها ؟؟ كنت وين يا استاذ وبتك كانت حتموت 😡 وامها حضرت سيادتها مشغوله بشنو مخليا بتها طالعه الشارع براها
كسرت كلمات الشاب جدران وجع سعيد من تاني ؛ اتذكر انو ساره مافي ؛ وقالا بحرقه ماليه جوفو وينا بتي الحصل ليها شنو ؟
رد الشاب بنفس النبره بتك ودوها علي الدكتور امشي الحقا و ...
اتحرك سعيد بسرعه نحو المستشفي متجاهل كلمات الشاب ومتجاهل حتي ولدو الجاري وراهو وقلبو مقبوض شديد وملياان وجع 💔
قابلو دكتور مرتضي في المدخل
سعيد : والدموع ماليه عيونو يا دكتور بتي بتي كويسه
دكتور مرتضي : اهدا يا سعيد وروق بتك مالا؟؟
سعيد : ما عارف يا مرتضي ؛ في واحد قال لي حصل ليها حادث ونقلوها المستشفي
دكتور مرتضي : طيب استناني هنا دقايق اراجع قسم الطورائ وافهم الحاصل شنو واجيك ..
اتحرك دكتور مرتضي علي قسم الطوارئ وهناك قابلو دكتور مجاهد
دكتور مرتضي : السلام عليكم مجاهد اخبارك
دكتور مجاهد : الحمدلله والله يا مرتضي .. انت اخبارك
دكتور مرتضي : الحمدلله والله في نعمه
قالو لي استقبلتو حاله طفله صغيره عامله حادث من شويه ؟
