سوزان اتصدمت جدآ من المنظر الشافتو قدامها وقالت في نفسها ( معقول!! معقول سميه كان عندها حق واحمد فعلآ حالو اتبدل كده)
أحمد اول ما شاف سوزان خاف جدآ ما عرف يقول شنو او يتصرف كيف .. كل القدر يعملو في الوقت داك انو يبكي بس وقال ل سوزان
أحمد : عليك الله يا خالتو سوزان ما توري ابوي ابوي بقي بكرهني وبضربني وانا بقيت اخاف منو 😭
حاولت سوزان تسيطر علي غضبا وكتمت ضيقا في سبيل تلقي الاجابات الكايسه ليها
سوزان : هههههه يا حبيبي انا لسه صغيره علي كلمه خالتو دي انا اختك الكبيره بس
ما تخاف انا ما حاقول لابوك شي بس ارح معاي نقعد شويه في بيتنا وبعدين نمشي بيتكم 😊
.. رجعت سوزان علي بيتهم معاها أحمد وهي ما عارفه تعمل شنو وتحل المشكله دي كيف وقالت في نفسا ( اعمل شنو انا يا ربي هسي ؟ حتي هيثم في الشغل طيب انا حاتصل عليهو)
سوزان : الو هيثومي
هيثم : أهلين اختي حبيبتي ؛ انا طلعت ي دوب لي ساعتين لحقتي تشتاقي لي
سوزان : هيثم ما طول الوقت تقعد تهظر عايزاك في حاجه مهمه
هيثم : طيب اديني ساعه وبرجع ليك مشغول شديد والله
سوزان : طيب
.. مني : احمد ؟!! الليله ما مشيت المدرسه ولا شنو يا ولدي ان شاءالله عافيه
سوزان : مافي حاجه يا امي بس كان عندهم حصص صباحيه بس الليله ؛ لقيتو ماشي علي بيتهم وقلت اجيبو معاي يونسي شويه وبعدين نمشي بيتهم سوا لاني اصلا ماشه لسميه ..
مني : طيب يا بتي انا ماشه علي امنه اختي ابوكي لو جا ختي ليهو الفطور
سوزان : حاضر يا امي
.. سوزان : وريني ليه عملت كده ومن متين انت بتشرب سجائر؟
أحمد : من ساعه ما ابوي صدق اني بشربا وبسرق كمان
سوزان : تسرق؟ ابوك قال كده !!!
أحمد : ابوي ضربني من غير ما اعرف انا عملت شنو
بس خالتو سميه قالت لي في زول قال ليهو انا بقيت ما كويس وبشرب سجائر وبسرق من بيوت الناس
سوزان : سميه 😳 !! ذي ما اتوقعت
طيب احكي لي عمار ده منو وصاحبتو متين وفعلا انت عزمتو يجيك في البيت !
.. حكي احمد لسوزان كل الحصل من اول ما سميه قالت ليهو لازم يكون عندك اصحاب لحدي ما طلبت منو يجيب عمار في البيت
سوزان : انت متأكد انو ده الحصل فعلا !! ولا انت بتكذب علي ؟
أحمد : والله العظيم يا خالتو ده الحصل انا عمري ما كذبت علي زول
