اتجه سعيد نحو سميه والغضب مالي عيونو
وسميه اتوترت واعصابها باظت وحست انو حيلا خلااص ما شايلا ..
سعيد : قلتي شنو ؟؟ عيدي الانتي قلتيهو ده تاني
سوزان : اهدا يا سعيد و....
سعيد : بس ✋✋ ولا كلمه يا سوزان
ووجه نظراتو مره تانيه لسميه وقال ليها بأعلي صوت عندو قلتي شنو عيدي الانتي قلتيهو ده تاني
سميه انهارت وبدت تبكي بحررقه (وما ندم بس محاوله منها لتخفيف غضب سعيد )
سميه : انا يا سعيد انا انا . . .
طاااااااااخ الكف ده عشان حاولتي تلوثي افكار ولدي
طاااااااااااخ وده عشان بسبب حقدك افتريتي عليهو بالكذب وحرقتي قلبي
طااااااااااااخ وده عشان حاولتي تعملي فجوه بيني وبينو
طااااااااااخ وده عشان اتجرأتي تأذي بتي وتختي ليها حبوب منومه في الاكل و..
مسكت سوزان يد سعيد محاوله منها لتهدئه الاوضاع
سوزان :لا يا سعيد لااا كفايه كفايه حرام عليك ده ما حل كفايه
سعيد : كفايه !! دي كانت عايزه تدمر لي ولدي يا سوزان ؛ دي خلتني اصدق فيهو الشين وارفع يدي عليهو ؛ دي خانت الامانه الخليتها ليها وكان في نيتها تقتل لي بتي ؛ بتي الطلعت بيها من الدنيا 💔 دي خلت عقلي يغيب ومشتني وراء كلاما الخبيث وحتي ما انتبهت اني بدمر في نفسي وفي بيتي واولادي
دي خانتي وخانت ثقتي وما أحترمت اني دخلتها بيتي وعملتها مرتي وام لاولادي
سوزان : اهدا يا سعيد اهدا ما تعمل في نفسك كده
سميه غلطت بس انت ما تعالج الغلط بغلط اكبر منو روق وكلو بتصلح وببقي أحسن ..
.. أحمد بعد ما طلع من البيت صادفو عمو الأمين وناداهو من بعيد
الأمين : احمد يااا احمد
أحمد انتبه لصوت عمو ورجع ليهو
أحمد : السلام عليكم
الأمين : وعليكم السلام يا ولدي .. الليله مالك رجعت من المدرسه بدري جا ساقك ابوك ولا شنو ؟
أحمد : ابوي ؟
الامين : اي غشيتو في المحل الصباح وقال لي انو ماشي ليك في المدرسه ووصاني اقفل المحل واجيب ليهو المفتاح في البيت
علي كل حال م دام لاقيتك ريحتني من المشوار هاك ده المفتاح وديهو معاك البيت
أحمد : حاضر يا عمو
انصرف الامين علي شغلو واتجه أحمد لبيت مني ذي ما قالت ليهو سوزان ..
في بيت سعيد ما زالت الاوضاع متوتره ؛ وفشلت كل محاولات سوزان في تهدئه سعيد
سعيد : اسكتي يا سوزان دي ما تستاهل تفتشتي ليها اعزار ما تستاهل زعلك ودموعك دي
سوزان : يا سعيد ارجوك ...
اتجه سعيد نحو سميه للمره التانيه متجاهل محاولات سوزان والمره دي حاول يخنقها وقال ليها بصوت مليان وجع
سعيد : اذيتك في شنو انا عشان تعملي فيني كده .. اولادي ذنبهم شنو تطلعي فيهم احاقدك وغلك
حاولت سميه تخلص نفسها من ايد سعيد بس قوه غضب سعيد كانت اكبر منها واتدخلت سوزان لما شافت سعيد حكم قبضتو شديد علي عنق سميه
سوزان : سعيد 😳 كفايه كفايه حتموت في ايدك 😭
سعيد : خليها تموت وتريح الناس من شرها يا ريتها تموت
انهارت سوزان لما شافت الوضع ماشي سيء لاسوأ وسميه ممكن تموت في ايدو
يا سعيد وحياه ساره فكها ورحمت ساره فكها 😭
سعيد فكاها اول ما سمع اسم ساره وقعد في الارض وهو منهار وببكي بحرقه
سميه وهي بتحاول تاخد نفسها : يا سعيد اسمعني خليني ابرر ليك موقفي
سعيد : انتي تخرصي خالص ولا كلمه .. متوقعه اني ممكن اصدقك تاني؟ متوقعه حتعرفي تتلاعبي بي تاني فاكراني عبيط للدرجه دي !! فاكره اني ساذج قدر كده
سميه : يا سعيد انا الحقد كان ..
سعيد : انا ما عايز اسمع منك شي ما بتهمني تبريراتك واسبابك ؛ كل الانا عارفو انك دمرتيني وكنت حتدمري ولدي وتهدي كل البنيتو في السنين الفاتت
سميه : يا سعيد ارجوك سامحني 😭 كل زول بغلط ومن حقو فرصه تانيه ؛ اديني فرصه فرصه واحده بس وانا بوعدك ...
سعيد : انتي فاكره اني ممكن اخليك علي زمتي دقيقه واحده بعد ده !! انتي فاكره حاسمح ليك تعيشي في بيتي وانا متأكد انك بتكرهي اولادي وما بتتمني ليهم غير الخراب !!
سميه : لا يا سعيد لا انا ممكن اتدمر كده انا حياتي حتنتهي يا سعيد حتنتهي
سعيد : وفري دموع التماسيح دي لانها ما ح تأثر فيني وحاقول ليك حاجه واحده
انتي طالق طالق طالق طالق طالق ولو بايدي اطلقك الف مره بدل تلاته ما ح اتردد ثانيه
.. انتي طالق طالق وانا بلعن اليوم الوافقت اتزوجك فيهو
وانا هسي حاطلع ولما ارجع ما القاك في بيتي ده والا ..
سميه : والا شنو الا شنو ! انت واحد حقير وما تستاهل كل العلمتو عشانك انت تستاهل كل الحصل فيك وتستاهل تعرس واحده ذي ساره لانها بتشبهك وحقيره ذيك و ..
طااااااااااااخ
سعيد : اوعي تتجرأي وتجيبي اسم ساره تاني علي لسانك ؛ ما واحده ذيك بتتكلم عن ساره انتي الحقيره واحقر مره قابلتها في حياتي انا بحمد ربنا اني ما عرستك زمان انا بحمد ربنا اني فضلت ساره عليك وتاني بقولا ليك انتي طالق انتي طاالق ..
اتجه سعيد نحو غرفتو وحمل ساره بتو بين ايديهو وهو شبه منهار واتجه نحو باب البيت ..
غادر سعيد بيتو ومن جواهو كان بتمني لو قتل سميه بتمني لو ريح الناس من شرها واخيرا غمض عيونو وردد حسبي الله ونعم الوكيل حسبي الله ونعم الوكيل منك لله يا سميه منك لله 😔
#يتبع
