وقف دكتور مرتضي وقالها بصوت مكسوور
الدوام لله يا جماعه
حاله صمت عمت ارجاء المكان وخوف وقلق ظهر علي وجوه كل الموجودين
سعيد : المات منو يا دكتور ؟؟ اوعي تكون ...
دكتور مرتضي : الدوام لله يا حاج علي بتك .....
هيثم : لااااا اوعي تقول سوزان ماتت لاا ما تقولا
دكتور مرتضي : سوزان وضعها حرج جدا بس لسه ما زالت فيها الروح لكن سميه
مع الاسف يا جماعه اصابه سميه كانت بالغه شديد والدكاتره حاولو يبعدوها من مرحله الخطر بس ما قدرو يسيطرو علي الوضع ..
شدو حيلكم والبقاء لله ..
علي : انا لله وانا اليه راجعون لا حول ولا قوه الا بالله
مني : وواا وجعه قلبي عليك يا سميه وووا حرقه حشاي عليك يا بتي الموتي اسوا موته وااا رمادك يا مني واا رمادك
حاجه امنه : استغفري يا مني ده كلام شنو البتقولي فيهو ده لو ما كنتي زوله مؤمنه
استغفري وادعي ليها ( وكل بني ادم خطاء)
مني : تميها يا امنه تميها 😭 (وخير الخطاءون التوابون ) بتي ما تابت يا امنه بتي ما صلحت من نفسها قبل ما تمووت اااااه يا ربي تسامحها يا رب سامحها
حاجه امنه : ربنا أعلم بالفي النفوس يا مني انتي ادعي ليها وان شاءالله ربنا يرحمها ويغفر ليها ..
علي : يلا يا اولاد امشو جهزو اللازم عشان ندفن سميه ( اكرام الميت في دفنه )
قومي يا مني حنمشي البيت
مني : امشي اخلي بتي وين كمان حاخسر الاتنين يا علي انا ما حاتحرك من هنا الا سوزان معاي
حاجه امنه : الماتت دي بتك برضو يا مني ولازم تقومي بالواجب وتاخدي عزاها ؛ سوزان انا بقعد معاها انا ما ذي امها برضو ؟
مني : بس لكن ..
سعيد : امي عندها حق يا خالتي امشي واطمني وان شاءالله خير
غادر كل الموجودين المستشفي لاتمام مراسم دفن سميه ..
ما عدا حاجه امنه فضلت قاعده عشان سوزان ؛ واثناء ما هي قاعده والهم مالي عيونا
لمحت سعيد واقف مع دكتور مرتضي واستغربت جدآ من وجودو لسه في المستشفي وقالت في نفسها (سعيد 😳 ليه ما مشي يحضر مراسم دفن مرتو وبقولو في شنو هو ومرتضي يا ربي )
ومن غير ما تشعر مشت في اتجاهم واول ما وصلت عندهم استأذن دكتور مرتضي من سعيد
.. حاجه امنه : سعيد .. البقاء لله يا ولدي
انا عارفاها حاره عليك وعارفه اتختيت في نفس الموقف مرتين بس قضاء ربنا مافي زول بقدر يقول ليهو لا وزعلك ما يمنعك من الواجب يا ولدي ليه ما مشيت تعمل مراسم دفن مرتك و ..
