قيد الدُجى

Part ¹

گاعد اقرأ ملف القضية الي جايتني ومن تقاسيم وجهي واضح أنها صعبة نوعاً ما، ماچانت بهذيچ السهولة، قاطعني صوت تلفوني، نظرت للتلفون وجدت اتصال من حبيبه گلبي وعزيزته.

: هلا يروح روحي هلا بزنوبة

زينب : قيد ولك ما تتوب من هذا الاسم، شيباتي خضروا وأنت بعدك على سوالفك

ضحكت بصوت عالي أحب سوالفها واحب اگول الها زنوبة هي تضوج تگول انا كبيرة وانا اگول الها زنوبة
ودائماً نتناگر على هيچ مواضيع.

قيد : هلا يروحي أمريني؟

بينما جاي اسولف مع أمي قاطعني دخول شخص
نظرت للباب شفت الي جايني خالد انتظرت ينطق بس تقدم لي بهدوئ و صار گدام وجهي وصاح بصوت انوثي

خالد : ااااههه حبيبي ااااههه اهه اهه اااههه أريدك قيد... قيييدد..عوف التلفون هسه

صفنت عليه و شوي ما أحس الا امي الي تصرخ وتشتم وتلعن بيه وخالد مستمتع ويضحك بخفوت علمود لا تسمعه أمي وتعرف لعبته.

زينب : ولك قييييد شجاي تصخم عزا العزاني سودة بوجهج زينب سودةةةة

قيد : يمة خل اكمل واجيچ

زينب : شتكمل قيـ...

قطعت الإتصال بيني وبينها وأنا أنظر للگدامي الي بدأ يهز وكأنه راقصة ملهى، ولو أعتقد أنه كذلك، بسبب تصرفاته الطفولية والرعونية

خالد : ااااههه قيد اااههه قوي اريد الليلة احبل منك

يصيح بصوت عالي و كلامه الوصخ ويضحك الفاسق ضحكت وعطت بصوت عالي وأنا أحاول اخوفة ولكن أبد يا جبل ما يهزك ريح، غير أن إلي بالمركز رح يسمعونه أذا أستمر على هاي سوالفه

قيد . افااااا هسه اذا ما اخليك تعرج أسبوع ما أطلع
قيد

أثناء وقوفي، بسرعة حاول الهرولة خارج المكتب محاولة للهروب، ولكني سحبته بقوة وگلبته على الأرض وبدأ يصيح من الألم، ضحكت بخفة ولزمت ايده وسحبته، ثواني وقاطعنا صوت الباب يندگ

نظرت للباب وجاوبت بصوت شبه عالي سامح للي ورى الباب أن يدخل و دخل علينا الملازم زيد صديقي وابن عمي، نظرتله بنظرة إستفسار و تنهدت مبين عليه كابت عصبيته

زيد : أكو حاته مسويه هوسة بالمركز بسبب أخوها، ومسويته سوگ سوادي، شتگول ادخلها؟

قبل ما أفتح حلگي بحچاية عاط خالد بصوت عالي وهو يحاول يدفعني بعيد عنه ولكن كل شوي أشد على أديه إلي لاويها لورى ظهره

خالد : گوا**د أحد كلك كول قصة حياتها گول بنية تريد تشوفك وفضها

تنهد زيد وهو يگلب عيونه يحاول يلزم نفسه وما يشاركني بعقاب خالد إلي آخر فترة زادت ازعاجاته لزيد حتى أكثر مني.