إهلا يا حلوات
هالمرة البارت يقتل ويموت القلب
البارت طويل مثل ما تحبوه
هالمرة البارت عن زهراء وقيد وقصة حبهم
إلي دثرها الزمن
25 لايك و 40 تعليق
استمتعوا ♥.
وتعلمُ أنني أهواك جداً
أذوبُ وأي قلبٍ لا يذوبُ
وتعلمُ أن هذا البعُدَ ذنبُ
فما لك عن ذنوبك لا تتوبُ؟
هَواكَ وإن طواهُ السِّرُّ طَيَّا
يُخَبِّرُ عن تَمَكُنهُ السُّكُوتُ
سيَبقَى في حنايا القلبِ حَيًّا
أموتُ أنا وحُبُّك لا يموتُ
علقوا وتفاعلوا بين الفقرات
علمود انزل بارت خاص بـ إسراء و زيد
~~~~~~~~~~~~~~~~~~~~~~~~~~~
: گوم قيد لا يجي أبوك ويشوفك ما مبدل نوب يصخمنه ويعزينه !!
قيد : يمة ما أروح مو گوة هيه
زينب : قيد !!! ماناقصنه يجي ويسويلنا حفلة
قيد : أي والله مشتاقين للحفلات صارلنا هواي مصاير بينا حفلات
زينب : يسويلك حفلة وفوگها يرگص الصوندة على ظهرك، ولك يمة بالگوة طاب ظهرك قبل فترة مومال نسوي مشاكل وياه
قيد : يالله
علا : قيد حباب روح وياه ولا تسوي مشاكل
رند : ناقص بي يجي ويسوي مشاكل، هذاك اليوم لما اجت سهام رادت بس تسويها مشكلة بس الله ستر بيبي نعيمة موجودة
قيد : انتوا شسالفتكم؟، اطردوها لا تخلونها تدخل
زينب : سولفلي أنت عمرك 11 لو شنو السالفة؟
علا : ماما قيد عمره 50
رند : لا 100
قيد : إلي الشرف
ماهي الا ثواني وسمعوا صوت الباب ينفتح، بسرعة دخلوا البنات للغرفة وظل فقط قيد وأمه ، تقدم عبدالله و سلم وگعد على القنفة وهو يراقب قيد إلي للأن مامستعد علمود يروحون لبيت صديقة
عبدالله : ليش ما مبدل؟؟؟
قيد : ما أريد أروح
عبدالله : شنو هي بكيفك؟؟
قيد : چا بكيف منو؟
عبدالله : حظك حلو لأن هسه نروح لبيت صديقي وما أگدر اسويلك كدمات دلالة على تأديبك، گوم بدل لا تشوف شيء ما يعجبك
زينب : هسه يبدل ويجيك
لزمت زينب قيد من أكتافه ودفعته ناحية غرفته، و طلعتله ملابسه إلي رح يروح بيهم، كمل تبديل وهو ماطايق نفسه، رش عطره ونزل وصار بوجهه عبدالله إلي ماطايق الگعدة بالبيت
عبدالله : أمشي يلا
لزم عبدالله أيد قيد وسحبة للسيارة و صعدوا والجو كان خانق قيد لازم نفسه ما يحچي كلام يخلي أبوه يكسره تكسر، وعبدالله ساكت ويراقب الطريق بهدوئ
أنت تقرأ
قيد الدُجى
Misterio / Suspensoتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
