أعرف صايرة ساحبة هواي بس شسوي الأحداث تتأخر المهم لا تنسون لايك و تعليق وشكراً 💕✨
~~~~~~~~~~~~~~~~~~
آصف : اطلعيلي انا واكف ببابكم
دُجى : شنوووو؟؟؟...آصف رحمة لوالديك روح لا تسويلي مشاكل... أنا رح اعيش حياتي وأنت عيش حياتك وفضها
آصف : اطلعيلي يلا
دارتعد هذا مجنون يسويها والله...رغم أنا ماعندي علاقة وياه بس هذا مثل مداكول هذا مخبل يسويها ويسويلي فضيحة فوگ الي قبلها وإذا عرف خالي إيهاب أن إبنة يحبني ممكن يسويها طلابة
طلعت باوعت من البلكونة ورجفت أطرافي شفته واكف ينتظر و شوية واجت عيني بعينة مسحت عيوني هذا رح يسويها صدک
سميت بأسم الله وعدلت حجابي و وكفت بباب الطرمة و كلت بصوت ناصي علمود لا أحد يسمعنا لأن الساعة حالياً 2
دُجى : آصف شتريد روح ماريد احجي وياك بعد
آصف : موهيه سهلة ما احجي وياك لج سنين وأنا اشتغل واتعب علمود اجي واخطبج تاليها تخونيني وفوگها رح تتزوجين؟؟؟؟
دُجى : منو كالك؟؟؟؟
آصف : رحت لعمي مهيمن وهو كالها الي عينك عينك هيج حلوة لؤلؤتي؟؟
شهكت لما سمعت إسم عمو مهيمن بسلا كاله أننا واحد يحب الثاني كلبي ديرجف رح أموت كل يوم انفضح فضيحة شكل
دُجى : آصف خلص كافي يلا روح
آصف : خلشوفج بعيني على أمل أنوا اكرهج نوب أروح
دُجى : ماكدر آصف ماكدر روح الله يخليك
آصف : ابددددددد لو اشوفج هسه لو ما اروح وحق الخلقني
استغفرت الله وبدأت اقرأ آيات من القرأن بداخلي أعرف آصف واعرف خبالة من سابع المستحيلات يروح قبل ما يسوي الشي الي يريده
فتحت الباب على كيف و باوعت و التقت عيني بعين محبوبي ضعفان و وجهه باهت بجيت بحركة..عيونه جانت تأنب ضميري عبالك صدك خاينته
بجيت بحركة من شفته...عيوني خانتني من التقت عيوني بعيونه...حتى لو قبل جان عندي أمل انجمع وياه تحت سقف واحد هذا الأمل تبخر لأن الي صار مو شويه
بقينه عيونه تحجي عوضاً عن لسانه اباوعله بحب وهو يبادلني اعرف دنكابر بس بعد ما نصلح لبعض....شويه و شفت شخص جاي من ورى آصف تجمدت بمكاني لما وضح شكله
: أي وبعد؟
اندار آصف وباوع و شهكت لما كفخة على وجهه ضليت اشاهد بعيوني واحاول ما اطلع صوت خاف أحد يطلع ويشوفنا
دُجى : قيد حـ..ـباب
قيد : أدخلي جوى حسابج بعدين
قفلت الباب لما شفت قيد بدأ يسحب آصف و يجره وراه والثاني يقاومة و يضرب بيه بس قيد لا حياة لمن تنادي ؟
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
