هيلووووو كيف الحال؟
طبعا البارت الثالث أتمنى يعجبكم لأنه عجبني
طبعاً أتمنى تصوتون للرواية لأن جدا جدا جدا مهم
لأن اتوقع رح أخلي صور الأبطال القريبة لأشكالهم
ولا تنسون التصويت بين السطور وشكرا جدددااا
واكثر بنت اشكرها هي الي جاي تعلق بكثرة
ماعرف كيف ارد لها هالشيء بس شكرا للي يقرأون
ويلا خلنبدأ
~~~~~~~~~~~~~~~~~~~~~~
دُجى : السلام عليكم؟
: وعليكم السلام
دُجى : اعذرني اخوية على الازعاج، بس أخوي أتصل من تلفونك علي واذا ممكن اريد اطمئن على حالة و اذا بلا زحمة عليك إريد احچي وياه شوية خوية حباب إذا ماتصير زحمة
تحدثت دُجى بصوت خجول ومتفشل من الكلام مع الآخر و احراج بسبب نظرات اختها ناحيتها.
: لا ما يصير
أنحرجت دُجى بشدة ووجها أصبح أحمر من الفشلة و ماعرفت شنو تقول أو شنو تسوي مجرد أكتفت بالهمهمة والاعتذار، وقبل لا تقول شي فصل الخط في وجهها.
روح : لك هذا شگد سگط
دُجى : مو داگولچ ما يقبل
بسرعة اخذت روح التلفون من دُجى و بسرعة رجعت اتصلت على الرقم مرة ثانية وفتحت سبيكر ووبدأت تعيط بصوت عالي بينما دُجى محرجة بشدة وحاولت تخفي وجهها بأحراج.
روح : شدعوة عليك عيني شگُلنالك، نريد نحچي مع أخونا كفرنا خوما كفرنا، بس الصوچ مومنك الصوچ مننا منطينك وجه وطالبين منك هالخدمة.
: انتي ما تستحين؟.
روح : لا ما استحي وأنت لو تستحي ما تفصل الخط بوجهنا بهكذا طريقة.
: عود تعالي باچر واحچي بهذي الطريقة علمود أعرف أرد عليچ، هسه الله ستر عليچ لأن مالي خلگچ.
روح : دروووحححح فارغ.
فصلت روح الخط بوجه الطرف الاخر، جاعله من الأخرى تصرخ بصدمة من أسلوب أختها إلي فجأة تحول سوقي، نظرت روح بعدم اهتمام و حاولت ما تنظر ناحية أختها إلي ترمقها بنظرات غاضبة.
دُجى : أنتي دستوعبين أن هذا ضابط شرطة؟، يگدر يشتكي علينا أو أقل شيء يأذي أبهر.
روح : بس مع ذلك سگط يعني شدعوة عليه ترا أحنه مدانگوله انطينا عيونك دانگوله نريد نحچي مع أبهر!
دُجى : لچ مو هو بكيفنا حمارةةةة
روح : ولي نامي باچر وراي دوام والمديرة الحقيرة اتصلت مساع على أبوي گالتله بنتك غايبة اليوم وگاللها باچر تداوم
دُجى : دتستوعبين نسيت الجامعة!!
قهقهقت روح على لحظة أدراك أختها الأكبر.
روح : هلا هلا هسه استاذ علي الأكبر يبسطچ بسط
دُجى : اكلج بالله عود تردين تخوفيني؟
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
