خالد : اهووو عبد العزيز شعندك لافي
عبد العزيز : دنجب ادبسزز هاي عود لازم تجي وتسلم وتكول جدي ما شايفه اسبوع كامل ادبسزز على منو اعتب؟
خالد : اروح فدوة لوجهك المعقج
تقدم خالد من عبد العزيز و حضنه بقوة بعدما قبل رأسه وبعدها ايده الواضح هو من سابع المستحيلات يشيل حقد على جده مهما كان الموضوع، ابتسم خالد موجه نظره على امه وصاح بينما يخلع حذائه
خالد : يمه مروتج ترضيها ابنج جوعان الحقير وليد مجوعني صارلي اسبوع
زينب : يخسي الجوع يابعد نور عيوني
خالد : فديت عيونج
بدأ خالد يحجي مع عائلتة عن معاناته مع وليد المسكين وشلون كان يجوعه ويهمله مع العلم هو يمزح والكل يعرف ، اما بالجانب الأخر كانت ريم ماخذه دُجى علمود تشوف ديكور البيت ومنها وتشوف غرفتها الجديده
دُجى : شنو هذا النزق الارعن مسوي مشتمل كامل داخل غرفته؟
ريم : اوي لتكولين عن اخوي ارعن نوب شنو هذا النزق
دُجى : معليج معليج دخنكمل
بدأت دُجى تتفحص الغرفة بعيونها صحيح بالبداية مكانت موافقة تشوف غرفة قيد بس أخذها الفضول لما تذكرت إن ليش قيد ممكن يتقدم إلها ولربما تجد الجواب بين أغراضه
ريم : دودو رح أروح اجيب البومات صور خاصة لقيد أبقي هنا اوك؟
حست دُجى إن هذا الوقت المناسب لهذا اومأت ولما راحت ريم بسرعة بدأت تبحث وتبحث عن أي شيء يأكد شكوكها لكن لا فائدة أخر شيء كعدت على السرير وبدأت تفكر فكرة تجيبها وفكرة توديها لازم تعرف شنو السبب
شوي وطاحت عينها على ملف أسود موجود على طرف السرير جوى المخدة و اخذه الفضول تشوف شنو بيه ولما لزمته وفتحته توسعت عيونها لدرجة كبيرة الي جاي تشوفه مستحيللل
دُجى : لا هذا شنو الي دشوفه عيني مستحيل واللله
: ها حُب أي سؤال ؟
كمزت دُجى واخترعت حرفياً الي شافته بالملف حرفياً شيء مخيف وزاد خوفها لما سمعت صوت وراها وبس التفتت اكيد شافت قيد الي كان مستند على الحايط ومكتف اديه لصدره و مستمتع بالمنظر
دُجى : شنووووو هذااا
شمرت الملف الأسود بقوة على قيد وضرب بصدره بقوة و كان قيد متوقع هالحركة بس ما صدها لأن عرف إنها رح تنصدم وهواي
قيد : ماكو شي بس أنتي وعائلتج ظمن مهمة أنا مُكلف بيها
دُجى : شقصصصدككك؟؟؟
قيد : عزيزتي دُجى عائلتج اللطيفة متورطة مع الارهاب وبصورة أوضح قائدهم داعش
لحظات من الصدمة والصمت مرت على ابنتنا دُجى فالشيء الي طرحه قيد على مسامعها مو بالشيء الهين ، ارتجفت اطراف دُجى وهالشيء كان واضح لقيد الي كان ينتظر ردود فعلها
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
