تصويت و تعليق بين الفقرات وشكراً 💕✨
~~~~~~~~~~~~~~~~~~~~~~~~~~~
نعيمة : لاحبيبتي مدام هيج رح أبدي بالموضوع من هسه بدون تأخير....شوفي حبيبة احنه اليوم جايين نطلب ايدج لوليدي قيد و أيد اختج الصغيرة روح لوليدي خالد
توسعت عيوني بصدمة توقعت كل شي إلا هذا الشي و روح اخذت حصتها من الصدمة و حرفيا تفاجأنا من الخبر الي سمعناه
دُجى : ها...هلا بيكم خالة كل الهلا نتشرف بيكم بس يعني أحم...ءء....والله ماعرف شكول
نعيمة : لا تكولين أدري الموضوع شويه محرج بس اجيناكم و ما أتمنى تردونه
دُجى : لا يعمري....بس خلي نحاجي ابوي بهذا الموضوع وغير هيج روح بعدها صغيرة على هالسوالف
نعيمة : بنيتي روح شكد عمرج
روح : قبل فترة دخلت 18
نعيمة : ولج دُجى وتكولين صغيرة عمي أحنه قبل بناتنه يدگ عمرهن 9 يتزوجن
روح : بيبي شدكولين حتى الشهرية مجايتهه شلون تتزوج؟
نعيمة : ولج هسه صارت تجي متأخرة 13 و 14 قبل كله 9 و 10 تجيهن و يزوجن ويخلفن
روح : لابيبي هيج رح اتخبل شلون؟
ضحكت احاول أسكت روح الي إذا مسلتت بعد ما تسكد حلكها...تحمحمت و حاولت أغير الموضوع ومر فترة من الوقت وشوي وسمعنا صوت طفل صغير يدخل ويكول
: يلا بيبي خالو قيد يكول تأخرنا
كلبي ديركص شنو قيد شنو شجابه شنو خالو شنو دنيا مدافتهم....يعني موبس النسوان جايات؟؟ دخت
داتخربط بس سمعت صوت الزلم برا
وكفوا النسوان وضلوا يسلمون علينا ويحجون ويانا ويحاولون يقنعونا أنا لحد الأن مصدومة
نعيمة : ان شاء الله ننتظر ردكم بنيتي
ام ريم : والله يوم عيد وتصيرون بناتي وزوجات ولدي
أبتسمت إلها لأن مداعرف شنو اكول بالضبط كلبي ديوجعني وعقلي دياخذني لمنعطف غير مرضي بتاتاً
ودعناهم...واحنه محتارين وقلقانين
وشويه ودخلوا علينا عمامي وأبوي وعمامي ديعيطون على أبوي مدافتهم شنو ليش ديعيطون بهالصوت العالي
مهيمن : هيثم تخبلت خوما تخبلت بعدهم صغار
هيثم : يابه يامهيمن عيب نطردهم كلتلهم نفكر ونردلكم خبر شبيك ياعيني
أيمن : شتفكر بابا بناتك بعدهم صغار أمس يالا شوي كبروا
روح : شبيكم ليش دتعيطون؟
مهيمن : ابوجن تخبل فجأةة
يعيطون وصوتهم عالي و ما تحملت دموعي فجأة ضلت تنزل على خدودي مداعرف شسوي بس خليت ودخلت للغرفة وركعت الباب بكل قوة
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
