هيلووووووو
طبعاً هذا البارت أكثر بارت طولت فيه يعني من قبل
الامتحانات لحد ما انتهت وهيا بدأت العطلة وانا للأن ما ناشرته لأن كنت اتأكد من كم معلومة ، وحبيت اخليه طويل طويل طويل لهذا تأخرت عليكم
استمتعوا جعل محد غيركم يستمتع💕✨
~~~~~~~~~~~~~~~~~~~~~~~~~~~
فتحت رويدة الملف وعيونها تتلفت هنا وهنا تخاف واحد يشوفها أو يحس بأختفائها ، بدأت تقرأ الأسطر البداية چانت تحاول تربط قدر الإمكان الملف الأزرگ ولكن ما گدرت تستوعب شيء لأن ماچان باللغة العربية هو حرفيا باللغة الإنجليزية ، حاولت تأخذ صور للكلام علمود بعدين تترجمة لكن الصوت الي قاطعها خلاها توگع كل شي من أيدها
دُجى : أتوقع أن هذا التصرف عيب؟
رويدة : هاه؟؟؟ ، لا شوفي لا تفهميني خطأ بس مساع قيد گالي صوريلي الأوراق إلي بالملف الأزرگ
دُجى : أنا زوجته شعجب ما طلب مني هالشيء؟
رويدة : ماعرف اسأليه بعدين ، هسه خليني أصور الأوراق
دُجى : دجيبي من ايدچ ، والآن أتمنى تطلعين برا
طردتها دُجى بكل غضب و حقد و تأكدت أن رويدة ما أخذت ولا لقطة للملف وفور خروج رويدة من الغرفة فتحت الملف دُجى وبدأت تقرأ بيه ، انصدمت لما قرأت المعلومات إلي بيه
دُجى : الواضح أن أكو هواي أشياء أخفاها قيد
" في الليل"
مشى اليوم بسرعة والكل توجه لبيته وأما عن أهل دُجى إلي كانوا يسلمون على دُجى علمود يرجعون للبيت ، أما عن روح إلي كانت متمسكة بدُجى بقوة وماتريد تبتعد عنها
روح : دودو تعالي ويانهههه حبابةةة
ملاك : ولچ رويحة مايصير البنية تزوجت ودتبدأ حياة جديدة
روح : لعد وانا؟
ملاك : لا تخافين تظل تجيكم وتجون الها
انتبهت روح على دجاوي الي تبچي بصمت مجرد تباوعلهم وتبچي محدد چان منتبه عليها إلا لما روح بدأت تبچي وياها ، راحت روح لحضن دُجى وكملت بچي
دُجى : شدتظنون اني اترككم؟ لا حبي يوميا اجيكم واذا مو يومياً بالاسبوع مرتين أو ثلاث انا عندكم ما اخليكم تفتكون مني
زينب : حبيبتي روح يمتى ما تردين تجين هلا بيچ البيت بيتچ
بعد تهدأت دامت لدقائق سئمت سهام من الوضع وهزت ايدها وراحت ووراها رويدة ورونق ، مضى الوقت ببطئ وكل الي بالبيت گعدوا بالصالة بعد انتهاء العزيمة ، والي بقوا ببيت قيد كالاتي ، اهل زيد وزيد و عماد وزوجته و نعيمة وعبد العزيز وبالتأكيد أهل البيت
أنت تقرأ
قيد الدُجى
Bí ẩn / Giật gânتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
