قيد الدُجى

Part ⁵

هلا يا حلوات
هذا البارت الخامس للرواية
بلا زحمة ممكن تصويت للرواية و التعليق بين الفقرات لأن جدا مهم الي ويعنيلي هوااي
وشكرا الكم

~~~~~~~~~~~~~~~~~~~~~~~~~

مرت هاذي الليله بهدوء تام و شمس صباح اليوم الثاني اشرقت بكل دفئ و نور، جاعلة الجميع يستيقظ و يعيشون يومهم

بهذاك البيت گاعدات البنات من الصبح لأن عندهم عزيمة اليوم و فرحانات بطلعة اخوهم، و اليوم ابد ما راح يقصرون

دُجى : سريوة يلا گصي الخضرة على ما اخلي گدر الدولمة على النار هستو كملة ابهر

اسراء : عمي شنو ابهر مدللهم حتى گدر دولمة سوالهم بعد شنو يردون من الدنيا

تحدثت اسراء ضاحكة ورافقها بالضحكة خواتها وامها الي اجو يساعدون و اكيد همين غداهم اليوم عند بيت دُجى

روح : كملت دراسة خلساعدكم

دُجى : لوما اليوم عطلة فللا اخليچ تطلعين من الغرفة

اسراء : على كيفچ وياها لا تخافين تجيب معدل ان شاء الله

ام اسراء : هاچ روح گلي الحشو بس انتبهي عليه مو تحرگينه

روح : افا عليچ خالة انا روح مو اي وحده

قهقهوا على حديث روح الي ما يخلص و بدأوا  يستعجلون بالشغل لأن الساعة صارت 10 و مابقى شيء ويجون قيد واخوه و ابو مهدي و اهل اسراء موجودين وحتى اخوانها اجو وكاعدين بالديوان

نور : لج روح على كيفچ لا تحركينه

روح : يابه هوى حشو شحرك منه

دُجى : مابقى شي وتستوي الدولمة

تحدثت دُجى بينما تنظر لگدر الدولمة و اسراء كل شوي تتفقد گدر مرگة اللحم ونور تنظر لگدر التمن و روح كملت الحشو وخلته على جانب من المطبخ وام اسراء گعدت تسوي العصير بينما اخت اسراء انوار گعدت تساعدها

دُجى : عذرونه تعبناكم اليوم ويانه المفروض احنه نخدمكم مو انتوا

ام اسراء : لا بنيتي ما اقبلها منچ احنه مو اهلچ؟ المفروض الاهل بهذا الوقت ينرادون واذا ما صرنا اهل يمته نصير؟

ابتسمت دُجى لأم اسراء و استقبلت كفخة من اسراء لأن اسراء ماتحب دُجى تشكرها كون دُجى بمثابة اخت عزيزة عليها وتعتز بمساعدتها وجميع مصائب واحزان دُجى رح تكون كذلك بالنسبة لأسراء

مرت الساعة وكمل تقريبا الغدة والساعة صارت 11 شويه وسمعوا دگة الباب طلع ابهر يفتح الباب ورأى خالد واخوه قيد داخلين وبرفقتهم ابو مهدي

استقبلهم ابهر و دخلهم للديوان والي چانوا موجودين بالديوان هم، اخو اسراء وابوها و هيثم و ابهر و قيد وخالد و ابو مهدي، ضيف ابهر كل الموجودين على طريقتهم طريقة اهل الانبار و ما قصر وياهم