قبل لا تبدأون بالبارت ، يلا اعزائي
خلوا لايك للبارت ذا وللي قبله ، ترا انا طالبة سادس
وجاي اكتب لكم بارتات ರ_ರ
المفروض هذي هدية وتقدير لتعبي
وها رح احاول اختصر الأحداث لأن صراحة
تعبت وأنا أكتب واصحح واذكر تفاصيل مهمة وغير مهمة
~~~~~~~~~~~~~~~~~~~~~~~~~~~~~
قيد : دُجى حامل؟
: أي ليش ماتعرفون؟ ، صارت بالشهر الأول
زينب : لا
: چا انتبهوا عليها كلش زين لأن وضعها متدهور
ودعتهم الدكتورة وراحت ناحية الغرف الثاني تفحص المريضات ، وأما عن قيد گعد على الكرسي ورجليه معادت تشيلة ماتوقع ولا 1% أن دُجى تكون حامل ، و أصلاً أنصدم لأن مافكر بيوم من الأيام يصير عنده طفل من دُجى أبداً
وأكيد هسه دُجى أول ماتعرف أنها حامل ومن الشخص الي تكرهه رح تگوم الدنيا وتگعدها ، لأن هذا الطفل اجه نتيجة أشبه ما يُقال بالاغتصاب
زينب : ولو مو وقته ولكن مبروك يمة ، انتبه لدجاوي ولا تزعجها تعرف نفسيتها آخر فترة جداً متحطمة
قيد : الله يبارك بيچ ، ان شاء الله لا توصين حريص
سحبته زينب ودخلته للغرفة الي كانت بيها فقط دُجى و ريم إلي گاعدات سويه وريم تحاول تهدئ دُجى إلي رجعت تبچي مرة ثانية ، خاف قيد أن يبلغها بهذا الخبر أو يعلمها أنها رح تصير أم ولكن منه
خاف أنها تكره الطفل لأن عرفت بهالخبر وهي فقدت عزيزها و نبت هالطفل نتيجة زواج إجباري
ريم : ها بشروا شبيها دجاوي ليش هيچ صار وياها؟
قيد : هاه؟؟؟
زينب : اگول يمة لو أنت تگول؟
قيد : براحتچ
اقتربت زينب من دُجى وباستها على رأسها وحضنتها بقوة وبعد الحضن الطويل مشت زينب أيدها على بطن دُجى وبدأت تحچي مع الجنين رغم أنه لازال صغير وعبارة عن لحمة صغيرة ولكنها ميقنه أنها لازم تتكلم وياه
زينب : لا تتعب ماما يابعد روح بيبيتك
دُجى : هاه؟؟؟؟؟
ريم : دُجى حاااااممللللل؟؟؟؟؟؟
زينب : أي ألف الحمدلله
قيد : دُجى لا تسكتين احچي شي
دُجى : يعني هسه أنا عندي طفل؟؟
زينب : أي يمة!!!
دُجى : ماريده
قيد : دُجى !!!!!
دُجى : خير؟؟؟؟؟ ، ماريده أنا انغصبت عليه
ريم : دجاوي حبيبتي لا تگولين هيچ ترا هذا رزق من الله
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
