أهلاً جميليني
هذا البارت هو البارت المنتظر
شروط البارت هي آخر شروط ممكن اطلبها
بهذي الفترة
25 ڤوت
50 كومنت
أستمتعوا كوكيز قلبي
~~~~~~~~~~~~~~~~~~~~~~~~~
دُجى : عمو يمكن عندي ولادة
وعلى أثر هالكلمة أطلقت صرخة مكتومة مؤلمة ومهيمن أحتار شنوو يسوي ولكن تدارك الموقف بسرعة و گعد دُجى على أحد التخمات و ركض فوگ لغرفة روح و صدگ الباب بشكل قوي علمود تصحى وفعلاً گعدت روح وعيونها مورمة من النوم
روح : ها هيمو صاير شيء؟
مهيمن : ولچ روح بسرعة شال وعباية دُجى عندها ولادة
روح : شنوو؟؟؟
شهگت روح بصوت عالي وركضت أجت تريد تطلع برا الغرفة ولكن مهيمن رجعها بسرعة وذكرها بالعباية و الحجاب وبسرعة طلعت اله عباية وحجاب ونزلوا ركض لدُجى إلي للأن رافضة تطلع صرخات الوجع خوفاً على أبوها إلي نايم جوى
دُجى : عمو دامووتتت
روح : أنچبي ما تموتين، گولي يالله، ياعلي و أوگفي على حيلچ خلي البسچ الشال والعباية
ونفذت دُجى كلام روح وفعلاً لبستها وطلعوها لبرا البيت و صعدوها بالسيارة وبدأت دُجى تطلع صرخات متألمة بصوت عالي، لأنها أطمئنت أنها بعيدة عن مسامع أبوها، بينما صعدوا دُجى أجت روح تريد تصعد ولكن أعترضها مهيمن
مهيمن : وين روح وين؟؟؟، ارجعي للبيت ظلي عند أبوچ لا يگعد، وأتصلي على قيد خلي يحضر بسرعة
روح : صح صح، بس خاف تحتاجني دُجى !!
مهيمن : لا أنا وياها يلا روحي ركض أتصلي بيهم رح نروح لمستشفى****** الأهلي
روح : تمام تمام لما توصل أتصل بيه وبلغني
دُجى : فضووووهههاااا داااممموووتتت
صرخت دُجى بصوت عالي وهي تحس أن روحها جاي تطلع من جسمها، بسرعة أنطلق مهيمن وهو يحاول يهدأ دُجى ولكن كل ما يحچي مهمين كلمة كلما تريد عليه دُجى بصرخات متألمة، لحد ما حس مهيمن أن دُجى حرفياً رح تفقد الوعي من الألم
مهيمن : بووية دُجى بنيتي أصحي ركزي وياي دُجى
دُجى : عمو مداتحمل الألم، ماگدر ماگدر
مهيمن : لا أسمعچ تگولين هالكلمة والله ازعل عليچ أنتظري رح نوصل مابقى شيء
وفعلاً قربوا يوصلون كون مهيمن كان يسوق بسرعة كبيرة، بعد دقائق وصلوا و ما كلف مهيمن نفسه يقفل باب السيارة فتحة وركض ناحية الباب الي گاعدة بجانبه دُجى وفتحة وبسرعة شالها وراح يركض ناحية المستشفى، لما دخل ركض ناحية الممرضين الگاعدين
أنت تقرأ
قيد الدُجى
Mystery / Thrillerتلتف حول نفسها بخوف، تبحث بعيونها عن بصيص الأمل في وسط المكان الموحش، ترتجف الاطراف عند سماع الصراخ و التعذيب القاسي، يتملكها الخوف لمجرد تفكيرها أن إلي أجت علموده يواجه المصير المماثل لهاؤولاء. : أنت شنو من بشر صار فوگ الأربع ساعات دانتظر ادخل لحضر...
