قيد الدُجى

Part ³¹

كوكيززززز لا تنسوا
لايك وتعليق على الرواية
يابوية عليكم لو تنفذون شروطي كان هسا أنا انزل الكم بارتات كل يومين ولكن ماتسوون واهس

انتم كوكيز سيئين ⁦ರ⁠╭⁠╮⁠ರ⁩

انجوينغ كوكيز

~~~~~~~~~~~~~~~~~~

دُجى : ريم تخبلتتي؟؟؟؟؟ ، شدتحجين؟؟؟؟

ريم : لا عيني ما تخبلت بس هذا شنو؟؟؟؟؟ ، والچ عين تخونين أخوي؟ دُجى اذا ماتعرفين فخلي ببالچ قيد خط أحمر ، مبين أنتي ما تخبلتي وطلبتي الطلاگ إلا لما هذا الخسيس گلچ اتطلگي

دُجى : ريمممممم!!!!!

ريم : لا تنطقين إسمي فهمتي او لا؟؟؟؟ ، وبس يجي قيد إلا اگوله على كل شيء وهذا تليفونچ يظل عندي لحد ما يرجع قيد

طلعت ريم من غرفة قيد وحتى قبل لا تروح وراها دُجى سمعت صوت القفل مال باب الغرفة ينطگ ، انرعبت دُجى لأن واضح ريم قفلت عليها الباب ، ودُجى تتخبل من الأماكن المغلقة ، بدأت تدگ الباب وتصيح ولكن ريم طلعت من مشتمل قيد ونزلت تنتظره

واما عن دُجى فهي تخبلت دگت دگت لحد ما بدأت تختنگ ، راحت جابت مزهرية وضربتها بالباب على أمل ان احد يسمع الصوت ولكن ماكو محد يستجيب
حتى روح مموجودة راحت لبيت أسراء و ام قيد راحت لبيت عماد علمود تشوف نعيمة وعبد العزيز
وخالد بالشغل مع قيد

احتارت دُجى شتسوي ماخلت شيء ما كسرته بالغرفة بس تريد اقالها ود تسمع الصوت وتحاول تفتح الباب الها ، بدأت دُجى تبچي بصوت عالي وتفتر بالغرفة على شكل دوائر ، دُجى عندها فوبيا من الأماكن المغلقة مثلاً الغرفة المغلقة بمفتاح تتخبل منها و الاماكن الضيقة و كذلك الاماكن المظلمة

دُجى : شسوووي شسووووي محد بالبيت و ريم اخذت التليفون شلون رح أتصل بقيددد

رجعت تبچي بصوت أعلى وهالمرة خطت على الگزاز ألي دخل برجلها وزاد الوضع سوء ، حاولت تطلع الگزازة هواي لحد ما طلعت ولكن خلفت الگزازة وراها أثر كبير ، بدأ الدم يجري بالارض ودُجى ماكان ناقصها قلة دم لأن بروحها عندها فقر دم

حاولت تشد رجلها بأي شيء على أمل يجي قيد ويطلعها لأن بدأت الفوبيا تزداد عندها ، تعبت دُجى من العياط والبچي وگعدت بالارض تحاول تهدئ نفسها بس هي على منو تضحك؟ ، هي حامل وبحالة نفسية ازفت من الزفت وفوگها مجروحة والباب مقفل عليها

شوي وسمعت صوت من باب المشتمل و مبين عليه صوت رجولي ظلت تصرخ بصوت عالي لعل الي عند الباب يسمعها و أخيراً سمعت صوت واضح أنه صوت حسن ابن سهام

دُجى : حسسسنننن حباب الحگلي دامووتت حسننن

راحت ركض رغم الم رجلها جابت مزهرية اكبر وكسرتها على الباب لعب يسمعها وفعلاً سمعت صوت حسن وهو يكسر باب المشتمل وأخيراً رح يجي يحررها احد من هالمكان ، ولكن من كثر التعب الي إستمر لأربع ساعات متواصلة خلا دُجى ماتتحمل أكثر ووگعت من طولها على الارض مغمي عليها