انتقام غضب..
بقلمي:- أميرة محمد 🤎
لتنسون التصويت والتعليق بين الفقرات لطفااااااا💔
«_______________________________«
-خايف
'تجيني
'بوكت
'تلكاني
'بس
'طاري.
»________________________________»
فريده"
شماعر ملخبطه مادري افرح ازعل بس هم يله صارله سنين يتوسل بيه وبغضب عالمود يخطبني.. مر كم يوم من حجه حسن وي غضب عالمودي..
غضب- انتي شتكولين اذا ماترضين انا مارضى
تحمحمت خجلانه منه
فريده- ماعرف الي تشوفه انت
غضب- اشوف كافي لهنا حيل ذلينا كلما يجي نطرده وبعده مامستسلم شتكولين اردله خبر
فريده- مادري مادري.
غضب- عود تستحين وكذا
فريده- يااا غضب سد الموضوع
ضحك عليه واني وجهي نصبغ احمر من المستحه. صار الصبح دخل صديقه يغيرله المغذي وجهه مايگصه السيف من يوم سمع بحسن حاجي وي غضب عالمودي عجزت افهم هالرجال دائما يباوعلي من ارفع عيوني عليه يدير عيونه فوراً
كلما يدخل الغرفه اتوتر مدري شبيه واذكر من اخذني لارجوان وشنو سوى بيه من خوف وذعر
غضب- انت شبيك وجهك لابسه بالمگلوب
معمر- مابيه شي
شيك وضعه وطلع غضب هز ايده تنهدت وكلت لغضب رايحه للحمامات
غسلت وتوضيت
ورجعت امشي بالممر منزله راسي العب بردن العبايه ولاگاني معمر حجه بصوت خشن عاكد حواجبه
معمر- اكدر احجي وياج كلمه
فريده- لا اخويه كعد اريد اروحله
معمر- اسلوبج زفر
نصدمت شلون يغلط عليه
فريده- اسلوبي تاج راسك وراس امثالك. بعدين انت ازفر خلق الله بعمري ماشايفه هيج شخص شلف وماعنده احترام للمقابل لا ويريد يحجي وياي
عفته ومشيت بسرعه استغفر بكلبي ماريد احجي عليه حتى لا اخذ غيبته
دخلت الغرفه لكيت ممرضه تنضف بيها وغضب ماكو
احس حيلي باد بلعت ريكي وركضت للبنيه احجي بخوف
فريده- اخوييه جان هنا هنا وين راح صارله شي ليش مو بفرااشه
الممرضه- على كيفج حبيبتي تنفسي، اخوج مابيه شي اخذو يسوله فحص شامل عنده رضوض ورجله صارلها فوك النص شهر مجبوره يشوفونها اذا يكدر يشلون الجبر منها
كلامها ماي بارد وطاح على كلبي سألتها وين دلتني على غرفه الاشاعات بقيت ساعه وثنين وهو بعده ضليت اروح وارجع خايفه
.
وثناء ما اني منتظره غضب اجاني اتصال من رقم غريب عرفت حسن او شكيت لان دائماً يخابرني من ارقام غريبه واضطر احضره
فتحت خط كلت يجوز مو هو
بس اجاني صوته سديته بوجهه
خابرت ايفين ماترد هاي من البارحه مامخابرتني خابرت سعديه كالت يم حسن تخبلت احس ضغطي هبط عرفت بيها شي لان ماتروح لاي مكان الى تكلي وتكل لغضب
رجعت خابرته على نفس الرقم قبل لا يحجي عطت بيه
أنت تقرأ
أنتقام غضــب
Misteri / Thrillerتقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد و...
