#انتقام غضب..
بقلمي أميرة محمد🤎
لتنسون التصويت والتعليق بين الفقرات +متابعة لحسابي @am___105
_________________________________•
عن شعور شوك:-
لن استرقّ النضر لم تعد الديار دياري..
_________________________________•
البارﭢ غضب+شوك = الهم بس
♡♡♡♡♡♡♡♡♡♡♡♡♡♡♡
شوك"
طلعت من بيت ناس غربه ماعرفهم انجوني ملابس و بقوني عندهم ليله ماكدرت ابقى اكثر لان سمعت ابنهم وهو يحجي وي امه
الرجال- يممه هاي ابوها قبل كم يوم نسجن هو وابنه واخوه بس تبقى اكثر تسببلنا مشاكل
المره- يمه بس هاليله بنيه حديثه وين تروح بهاليل
الرجال- حاولي توصليلها فكر انو وجه الصبح لازم تروح خووش ماناقصني مشاكل ودوخت راس
المره- خوش خوش انه اكلها
رغم شعور الذل الى ان سحكت على كرامتي وبقيت لان ليل وشوارع بغداد تخوف
لوجه الصبح مامغمضه دموعي تجري شكد هضيمه انطرد من بيت كنت انحسب منه
واخويه الطردني .
"ردت واحد منهم من صدك رجال ولا واحد بيهم ينتمي الهم شوارب بس، بس طحت عافوني كلهم"
بجيت بهضيمه بجيت بجي اليتيمه امشي والبرد يگص بيه گص امشي نحو المهجول ماعرف شنو ضاملي المستقبل
ماندل وين اروح وشسوي ماعندي غير خمس الاف انطتنياهن المره قبل لا اطلع
باعتلهن معصورات بايدي ضحكت من بين دموعي وين كنت وين صرت
شكد غبره الدنيا مو امس بنص اهلي عايشه لعد شتغير وصرت بالشوارع حالي ماحال المكادين
اهلي ماشفقو عليه انوب الغريب يتلطف عليه
وهنا ادركت ان اكبر غلط يسوي الانسان من يضحي على مود شخص مايستاهل او تحب شخص مايستاهل ذره من حبك
حب نفسك وهتم بيها محد باقيلك بهالدنيا بس وقت مصالحهم يجونك يتوددون
لكن من توكع كلها تتخلى عنك واولهم السميته روحك"
كسرتي بيك يغضب اكبر من كسرتي بخواني
اني الامنت بيك روحي رغم خطفتني وحرمتني من اهلي وكرهوني بسببك الى ان بس سمعت قصتك تساهلت وياك وحاولة اتقبلك الى ان حبيتك
ليش هسه تعوفني واني بأمس الحاجه الك
بكل وقت مامحتاجتك بيه الكاك يمي بس بكثر وقت حتاجيتك توكف بسدي تحميني يوم طردوني بليله ضلمه لكيتك متخلي عني وعايفني
لعد والحجي كله كذب مو كنت تكول انا ابوج مو وليد من اليوم مالج غيري ماعندج ابو غير غضب
اشو اليوم وحدي بطرك روحي لا انتَ ولا اهلي
مشيت مسافه جدا طويله وين ماتاخذني رجليه ماعرف وين اروح خليتها مع الله وهو الي يحلها
اباوع لناس هستوه تفتح بمحلاتها
ومنهم من ضايج ومنهم مبتسم صفنت عل هالناس وادركت كل شخص ورائه قصه مؤلمه
مو شرط اليضحك وعنده فلوس معنى سعيد لا هذا اكثر شخص مخذول وعايش بفراغ
أنت تقرأ
أنتقام غضــب
Misterio / Suspensoتقدمت عليه واني احس الخوف والرعب احتل كل جسدي وقلبي أحسه توقف واني اشوفه جالس گدامي مثني رجله وخال عليه ايده والايد الثاني ماسك رأسه متوجع قربت عليه اكثر جمدت بمكاني من المنظر لي شفته كانت خاصرته كلها دم ابتسم ابتسامه جانبيه ابتسامه كلها شره وحقد و...
