مـاس ل شـفاء آل سـالم
البارت الاول
لَا البَوحُ يُطفِئُ مَا فِي القَلبِ مِنْ وَجعٍ
وَلَا الدُّموعُ تُسَلِّينِي فَتنهَمِرُ
عَلِقتُ مَا بَيْنَ كِتمانٍ يُؤرِّقُنِي
وَبَيْنَ قَلبٍ مِنْ الخُذلانِ يَنصَهِرُ
الف فكره براسي واني دامشي لمكتب الاسستانت فكره تروح وعشره تجي ، مشاعري مخربطه لدرجه متنوصف والاكثر من هذا كله انو اني مختنكة واكو غصه بداخلي لا تطلع ولا تنبلع، انعاد شريط الفقد كدامي للمره الثانيه خسرت وللمره الثانيه جنت الطرف الي يفقد روحه بس بعدني عايشه واتنفس صرت مثل البزون بسبع ارواح مدري شوكت يجي دوري واصير المفقوده مو الفاقدة ،
مليت كوني دائماً اني الطرف الي يخسر ويبقى متمسك لاخر نفس بيه
تعبت واني الطرف الي يحب من كل گلبه ويعوفوه الناس الي يحبهم
الف سؤال براسي ليش وليش وليش ومية فكرة وما اعرف الخلل بيمن بس ع الااكيد الخلل بيه
لاني الوحيدة الي دتعاني وتتعذب مو معقوله الخلل
بالناس كلها واني الوحيده صح.... من الخيبه الي دااحس بيها هسه احس نفسي رجعت لنقطة الصفر او بالاصح تحت الصفر ......
فكرت اروح لمكتب الاسستانت بس ما اعرف شون صعدت الدرج وشون وصلت اصلاً ما حسيت بنفسي الا على صوت دگات الباب واني أدگ بيه :-
- الاسستانت :. تفضل
- ماس -: السلام عليكم
- وعليكم السلام هلا بنتي تفضلي
- يزيد فضلك استاذ
- كعدي بنتي ليش واگفه
- شكراً استاذ ، اني بصراحه جايه بموضوع مهم واتمنى توافق عليه
- خير بنتي كولي
- اريد اجازه شهر
- شهر يا ستار ليش ؟!
- هو ماكو شي بس ضروف عائليه صعبه شوي وما اكدر اداوم خلال هاي الفتره
- زين بنتي اكدر اساعدج بهاي الضروف , بس اجازه شهر صعبه كلش لان دنفتح بالاقسام الجديده ،وقسمج عاد انتي اكثر وحده تعرفين ان شغله هواي وبعدين بنتي انتي تعرفين انه الاجازات حدها يمنا ١٤ يوم وتعتبر اجازه سنويه
- اعرف هالشي استاذ ، بس اذا حجيت وي استاذ ريان وغطى بمكاني عادي
- يعني راح يمشي الحال بس هم زحمه شهر لان راح تصير خربطه وضغط بالشغل ف ما نريد نوصل لهنا ، لذلك راح انطيج اسبوعين هيج تمام ؟!
- تمام استاذ مشكور ومتقصر
- بنتي اذا تحتاجين شي اخر رقمي يمج وميردج الا لسانج
- مشكور استاذ كلش ممتنه الك
- ولو العفو بنتي اني الممنون ولتطولين لان راح نشتاقلج انتي ونشاطج اذا كدرتي ترجعين قبل الاسبوعين
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
