مـاس ل شـفاء آل سـالم
لطالما شعرتُ معك بالأمان الدائم
حتىٰ أصبح هذا الشعُور كفيلاً بأن يجعلني
لا أُزال أُحُبك هكذا دوُن مللٍ أو إنقطاعٍ وتوقّف ,
أن أُحُبك وأنا أيقنتُ بأنّ هذا الحُب الذي يُعاش معك بكُل هذهِ الكثافه لن يحدُث ولن يُعاش مع أحدٍ أخر سواك .
- ابو زهراء :- بس افهمي عليه بابا زهراء ووصية بيبيتج شلون
- بابا بيبي الله يرحمها لان چنا مقربين منها اني وانس وجانت تحبنا اكثر احفادها رادتنا نزوج وهم لان جنا واحنه صغار علاقتنا كلش قويه ف عبالها حب احنه هم عبالنا هيج بس احنه كبرنا وتغيرت مشاعرنا واكتشفنا انه الي بينه علاقة اخويه مو حب وبيبي هم لو عايشه هسه مترضى انو تنكسر گلوبنه لان راحتها براحتنا ولا راح ترضى بالي دتسووه بالعكس راح تزعل عليكم لان دتضيعونه وانتو تعرفون هالشي
سكت عمي وهو يصفگ بأديه ميعرف شيحچي
- ابو انس :- وانت استاذ انس شراح نكللهم العالم اذا انتو عمام واقارب وهيج تسوون شخليتوا للغريب تردون تفسخون وتخلونه بحلگ الي يسوه والي ميسوه
- ابو انس:- بابا طول عمرك همك العالم تفكر بيهم قبل لتفكر بينه وبسعادتنه احنه عائلتك
انس ادرس طب علمود العالم تكول ابنه دكتور
انس لتلبس هيج علمود العالم لتحچي
انس لتمشي وي فلان هذا العالم تحچي عليه
انس لتتأخر برا حتى العالم ليگولون عنك صايع
العالم والعالم والعالم واني مخليني اخر شي متگول ابني مدام ممسوي شي غلط وراضي رب العالمين وراضيني العالم طز بيها، العالم كلمن عايش حياته على مزاجه ويردون يعيشونه على مزاجهم
اني ميهمني العالم ولا راح اهتم الهم، اخر كلام يمي البنت متريدني واني ما اريدها ومتكدرون تجبرونه نزوج لان احنه منحب بعض وماكو شي غصب
الكل سكت وناس تباوع لناس حد محچت ماما
- ام انس :-اني سكتت هواي لان دائماً اكول ابوه ويريد مصلحته واكيد مراح يكسر گلبه ويدمر مستقبله لان يحبه بس هسه لا والله يا ابو علي مدام هم الطرفين ميريدون يزوجون ف هالشي راجع الهم وهاي حياتهم ميصير نبني فرحنا على حساب تعاستهم وهاي حياة لا يوم ولا يومين وين نروح من الله باجر على الي دنسوي بيهم هسه
- ام زهراء- اني وي ام علي هي هالبنيه عندي وما مستعده اكسر كلبها وخاطرها واعيشها طول العمر تتحسر ومكسوره ممجبورين نسوي هيج بيهم احنا عشنا وتعبنا علمودهم ليش بالاخر نحطمهم بزواج هم الاثنين ميردوه
- ابو انس :-شنو هالحجي عود هاي انتن الكبار والعاقلات هيج تحچن بدل متگلولهم ميصير الي دتسووه غلط تشجعونهم
- ام زهراء :- الي دنسوي احنه وياهم غلط على اي اساس نجبرهم يتزوجون الوقت تغير والي سووا اهلنه بينه مو لازم نسوي وي اولادنا مالهم ذنب ترا يعيشون حياة ميردوها
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
