ماس

البارت التاسع

مـاس ل شـفاء آل سـالم

"لقد قررتُ ألا أخشى كلَّ يومٍ
و ألا أتمنى أن ينتهيَ سريعًا
بل أن أتذوقَ كل فرحةٍ صغيرة
و أتأمل كم أنني محظوظة أكثرَ من شخصٍ أعمى
أو آخرَ يتضورُ جوعًا، أو يشعرُ بالوحدة بشكلٍ رهيب."

بعد ما رجعت من سفرة الشمال چانت هاي المره الاولى اكعد اقرا بيها الفتره الي فاتت كلها چنت هامله نفسي وهامله القرايه بسبب التعب الفضيع الي جنت احس بي ف اقضي اليوم كله بالدوام والباقي من يومي حرفياً بس انام حتى من انام اكعد تعبانه ومابيه حيل اسوي شي مجرد اكمل شغلي ع اللابتوب وارجع انام مااعرف تغيير جو لو نقص ڤيتامينات او حالتي النفسيه الي تنتكس كل فتره بسب التراكمات الي ماابينها ولا اشتغل عليها مجرد اخليها تزيد وتكبر داخلي كل يوم ويزيد شعوري بالفراغ والوحده  .....

- ها ماما بعدج منمتي

- لا ماما بعد وكت انتي شمگعدج هسه ؟!

- كعدت حتى اروح للصحيات شفت ضوا غرفتج مشتغل اجيت اشوفج شعندج كاعده 

- مبيه نوم اريد اكعد اقرا

- ولج ماما تقرين بنص الليل غير تنعمي عيونچ

- لا ماما معليه شي مشغله الضوا

- راح اروح انام  بس لتطولين بالقرايه ونامي يوم لتتأخرين

- ان شاءالله ماما

- ترا بعد نص ساعه اجي اشوفچ اذا منايمه

- تمام حبيبتي

- يلا تصبحين على خير

- وانتي بخير يروحي

طلعت ماما ورجعت صفنت بالسگف تجيني فترات اعتزل كلشي واكعد بس اباوع لسگف الغرفه وبراسي الف فكرة وفكرة واقرر مية قرار واسوي جدول يومي واسبوعي بس ماامشي عليهن مجرد اكتبهن واتعب عليهن وافكر بيهن، احس نفسي ضايعه ومااعرف شسوي لا اني بسما ولا اني بأرض گمت اتسحب علمود لتسمعني ماما سويت لنفسي گهوه ورحت لمكتبتي حتى اختار كتاب جديد اقراه بس مودي چان طالب كتاب كبرت ونسيت ان انسى الي كل فتره اعيده وارجع اقرا الاحداث الي حافضتها بس عبالك او مره اقراه ابجي واكتئب واضحك مع البطله توي فتحت الكتاب ودااقرا بالاهداء وصلني مسج

- السلام عليكم ست ماس كاعده ؟؟

باوعت چانت الساعه ١١ ونص بالليل استاذ انس شيريد اكو احد يدز هيج وقت مجاوبته ورجعت اقرا الكتاب

ورا خمس دقايق رجع وصلني مسح اخر

- شغله ضروريه اذا تسمحين وتشوفين المسج ردي ؟؟

فتحت الرساله  شكو يا ستار

- اهلاً استاذ تفضل

- ليش مرديتي من اول مره