مـاس ل شـفاء آل سـالم
أنا الغريبُ لا ملجأ لي وَ لا وطن
وَ فيكَ لاقيتُ أوطانِي وعناويني
فَلا تَكُن كـ بَلادي فِي أذيتِها
ولا تَكُن كَـ بِلاد الناسِ تَنفِيني .
داومت ثاني يوم وبقيت بغرفتي كل اليوم مطلعت ابد اجوي ريان ويارا عليه بس ما اعرف ليش مچانت وياهم وهم اني مسألت لان حسيت نفسي ممستعد اشوفها واباوع بعيونها بعد الي سويته ما الي عين ، بقيت حابس نفسي بالمكتب الى قبل نهاية الدوام معرفت شنو راح اكللها بس طكت روحي على شوفتها اول مره اسويها اداوم وما اصبح بوجهها فتت للغرفه وملگيت بس ريان
- ها شلونهم
- هلا ريس
- وينها سمسمتي
- ما اعرف طلعت قبل ساعه تقريباً وكالت ماخذه اجازه اسبوعين
- اسبوعين شنو مگلتلك شكو شصاير
- لا والله محچت شي بس.....
- بس شنو احچي
- سألتها اذا انت تعرف وگلتلي انس مو ولي امري
- يا ربي دخيلك بس لا عرفت
- شنو الي عرفته احچي
- بعدين افهمك
طلعت ورحت لغرفة زهراء
صحتها وطلعنا برا
- شحاچيه لماس
- شنو شحاچيه ؟!
- اني الي داسألج ترى لتجاوبين سؤالي بسؤال
- مشفتها اصلاً اليوم حبيبي
- اخر مره اسألج واذا مجاوبتيني تشوفين شي متنسيه طول عمرج احجي شگلتيلها بسرعه ؟!
- ها مگلتلها هي الي اجتي وسمعتني اني ودا احجي لرؤى بس اني معليه ما ادري بيها دتسمع والله
- شسمعت ؟؟
- ها.....
- جاوبيني بسرعه
- سمعتني اني واحجي لرؤى عن خطوبتنا وراحت تركض وعافتنه حاولت افهمها بس راحت ملحگت بيها
ما اعرف شلون سيطرت على اعصابي ومكسرت ولا سويت شي اخذت اغراضي وطلعت مجنت رايدها تعرف بهاي الطريقه بدون لا تسمع مني واشرحلها ضروفي واسبابي ما اعرف ليش محچيتلها من البدايه عن كلشي ولا تعرف بهاي الطريقه بس جنت خايف اخسرها وبقيت ساكت.......
رجعت للبيت واني كاره كلشي بيه لاول مره بحياتي اضوج من البيت ومن اهلي وحتى من نفسي وضعفي
لان مسويت شي ...
استقبلني ابويه بعلامات الغضب بوجهه
- ليش سويت هيج البارحه
- شسويت
- طلعت وعفت الحفله
- الاتفاق انه نعقد وعقدت عليها شتردون بعد
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
