ماس

البارت الثاني

مـاس ل شفـاء آل سـالم

"بكيت
لأن كل شيء يتفلّت من بين يديّ
كل شيء ينهار
كل شيء يتلاشىٰ كحفنة رملٍ في الريح
بكيت
لأن قلبي حين ذبحته كل سكاكين الأسىٰ
لم تستطع عيني مواساته على سبيل دمعة

لقد فقدت قدرتي على الوجود."

- ها مو بس اليوم يمي عطله

- ها يمه لعد شكم يوم

- نطونا اسبوعين عطلة بمناسبة رأس السنه

- عفيه حتى ترتاحين يمه ، بس مو مثل اليوم تكعدين متأخره حتى عيونج مورمه من النوم

-  ييي غير جنت تعبانه كلش ومحسيت بنفسي شكد نمت من التعب

حاولت اغير الموضوع حتى لتتعمق بالتفاصيل اكثر وتسأل عم العطله واضطر اجذب عليها ويبين عليه

- اممم زين شنو رأيج نروح نزور حسين وزمزم

- يا يوم شمدريج تقرين افكاري والله ميته على شوفتهم وشوفة جهالهم

- ان شاءالله هاليومين نروح بس خلي ارتاح من تعب الدوام حتى اكدر اتونس هناك وهم ع بين  منلملم اغراضنا ونجيب الهم صوغه ووراها نروح..........

- ان شاءالله يمه لعد خلي اروح لام احمد حتى ننزل للسوگ ونجيب للجهال اغراض

- غير بعد وكت يا يوم

- يا دوب الحگ اخاف انسى شي حتى ارجع اجيبلهم

- تمام يوم براحتچ

اتعس شي لمن اضطر اضم شي على امي واجذب عليها بس حتى ليضل بالها عليه لا مناقصها والي بيها مكفيها چذبت على ماما وعبرت عليها لمن كلتلها انه العطله لكل الموظفين بمناسبة رأس السنه....

ولان نفسيتي جانت تعبانه ومتسمح اني اطلع واتونس حاولت اعبر هاليومين بس علمود الملم بيها نفسي وافرغ كلشي احس بي حتى ارجع اتوازن واروح اشتم هوا بعيد عن وجوده وعن سيرته وعن كلشي اله علاقه
بي صح مو بهالسرعه ولا بهاي السهوله بس اهم شي المحاوله خلصت ريوك ورحت لغرفتي مددت

اتصلت يارا بيه

- هلا حبيبي

- هلا يارا

- شو يارا

- لعد شنو

- زعلانه مني انتي

- يعني دا احاول احترمچ ميفيد بيج

- عابت عبالي زعلانه على فكرة ميلوكلج االاسلوب المحترم

- هههه خلي يصير يمي مشاعر حتى ازعل ،بعدين ترا اني كلش اعجبج بالاحترام وهالسوالف

- شونج شون صرتي

- مثل القرده كلشي مبيه

- تضحكين على منو ولج اني يارا