البارت السادس
مـاس ل شـفاء آل سـالم
أنا من الأشخاص المليانه حنيه بشكل غريب
بس يغلبها البرود والعصبية
يغلبها المزاجيه بشتى المواقف
يمنا اسستانت كلش حباب ومتفهم ورده مال الله يعني اذا تكعد تحجي وياه ابد متحس بالوقت ابد من كلامه الممتع والمعلومات الي ينطيها ومن الراحه الي تحس بيها اتذكر مره من المرات رحتله على مود الشغل واخذني الواهس كعدت احجي وياه
- استاذ ممكن سؤال
- تفضلي بنتي
- يعني انت شون وصلت لهاي المرحله من الهدوء والصبر والاحتواء وحتى الي يجي يمك معصب ويريد يتعارك من تحجي وياه يهدأ وتضل انت بهدوئك وابتسامتك
- ههههه ،بصراحه بنتي ما اعرف شكلج والله بس كلشي يجي مع التجارب والتدريب وهم العمر اله دور جبير
- يعني الا نكبر لازم يلا نكدر نوصل لهيج شي
- ابداً مو هيج قصدي، بس اقصد انه كل متكبرين تنضجين اكثر وتجاربج وخبرتج بالحياة تزيد
- زين والتدريب
- التدريب بما انه احنا بعصر التكنلوجيا وكلشي متوفر يمكم وبالاخص جيلكم هذا ف تكدرين تاخذين دورات عن الشي الي تحتاجي ع النت وانتي گاعده ببيتج وبوقت فراغج وبالساعه الي تناسبج
- هم صدك والله تسلم استاذ واعذرني على فضولي
- بالعكس بنيتي ادللي بأي وقت اني موجود اني كلش احب الناس الي تسأل عن الشي الي يفيدها حتى تطور من نفسها
وصلنا لمكان الاجتماع جان كلشي جاهز وبأنتظارنا احنا وجانت اكو مجموعه موجوده ويانا مو من ضمن فريقنا ، بلش الاجتماع بالبدايه واجهت صعوبه لان الداتا شو مشتغل والاضواء طافيه والقاعه هدوء يعني الاجواء تسويلك واهس تنام غصب عنك ، نص الحجي مفهمته جنت اخذ غفوه وافز اخاف احد ينتبهلي وانفضح بألف يالله يلا خلص الاجتماع على خير ..........
- ست ماس
- ست ماس
- فركت عيوني يعني مو اثار النعس اكو احد دا يصيحني
التفتت عليه شايفته واعرفه بس مدا اذكره
- هلا استاذ
- شونج اخبارج
- حمدلله انته شونك
- بخير والحمدلله
- جنت متأكد راح نلتقي مره ثانيه
- ها،ييي صح الدنيا صغيره
هو يحجي واني اجاوبه بكلمه كلمتين جنت احاول اتذكره
- هاااااااا انت استاذ انس
صحت بصوت عالي وقطعت حديثه يعني اخيراً تذكرته بس چان موقف محرج كلش هو خطيه استغرب وبقى بس صافن حاولت اغلس ع الموضوع
أنت تقرأ
ماس
Roman d'amourنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
