ماس

البارت السابع

مـاس ل شـفاء آل سـالم

يوجد في يدي اكثرُ من عشِرون اثراً للجروح
يوجد في عقلي ضجيج لا يملكهُ احداً
حتى وانا نائم
توجد في قلبي اشياء مُبعثره ومكسوره
هكذا انا مكسور وهشٍ احاول ان استعيد نفسي اشتقت للشخص الذي يضحكُ على اصغر الاشياء وللشخصِ القوي الذي يساند الاخرين
ماذا جرا لكَ لتصبح بهذهِ القسوه والبُرود ؟

- ماس:- يارا الجو مال شنو

- يارا : مال حبيب كاعدين وانتي وياه سوا وهيجي واحد يتغزل بالثاني ويروح يجيب اكل وتكعدون تاكلون

- خليني ساكته احسن خايبه يا حب يا بطيخ الجو  مال گهوه چاي بهالجو الحلو حب شنو

-  ههه عادي ترا اختلاف ثقافات لتتعصبين يا اختاه كل واحد اله احتياجاته ونواقصه

- ديلا لعد مدام احتياجاتج ممتوفره كومي جيبي احتياجاتي

- گمت بس مو تاخذين صور بدوني

- ديلا والله مااتصور بس روحي جيبيلنا چاي وكون اكبر كوب

راحت يارا وبقيت وحدي اتأمل والماي كدامي صافنه ع جمال المنظر والجو الي لو بيدي اضمه وكل ما اضوج اطلعه واباوع عليه واتنفسه حتى ترتاح نفسيتي ياربي شنو هالجو النقي شنو هالهوا البارد والغيوم الي ترد الروح ياريت ماما وباقي العيله وياي بهيج اجواء ومكان

- يارا: تفضلي ست الحسن والدلال

- ماس: يسلمووو حبيبي

كعدنا شوي ورجعت تمطر

- تروحين للباص كلش بردت

- لا عفيه بعد اكثر من نص ساعه ع الوقت خلينا كاعدين

- اكللها بردت

- تمام لعد روحي شوي ولاحگتج

- وانتي متجين وياي

- مستحيل افوت هالجو مع المطر ،واصلاً محتاجه اكعد وحدي شوي

- ها تطرديني يعني

- استغفر الله ربي منو كال اني استبردت مو انتي

- يي عاد انتي مصدكتي بس ردتي تخلصين مني

- ديلا امي ابقي وياي

- يعني مخايفه عليه اتمرض

- يارا امشي منا احسن ما اكوملج وتعرفين الباقي

- ديلا رايحه بس لتتأخرين

- ان شاءالله

راحت يارا وبقيت وحدي اتنفس من كل گلبي اخذ شهيق وزفير يدخل هوا بارد يثلج صدري ويتوزع بجسمي احس نفسي اريد اطير شكد فرحانه ومرتاحه اني من نوع الي ابسط الاشياء تفرحني واتفه الاشياء تزعلني، ما اعرف ليش يسموها مزاجيه او حساسيه زايده رغم هي اشياء من الفطره ، حاولت اتخلص من الافكار السلبيه والخوف الي مرافقني بأي خطوه اخطيها بحياتي لازم افكر بكلشي واتفه شي واكبر الموضوع ودراما واغلب المرات تتأزم نفسيتي ويبين على وجهي وبصحتي....