ماس

البارت الثامن

مـاس ل شـفاء آل سـالم

"غايتي أن أعود حرة
أن أرمي خارجي هذا الثقل الذي في داخلي
و كلّ ما أقوم به يسير في هذا الاتجاه."

اليوم اول يوم الي ورا الاجازة من الفجر گاعده او الاصح مااعرف شوكت نمت لان بقيت گاعده افكر ف ما اخذت عيني نوم مجرد غفوات وافز على اثرها بكوابيس الها بداية مالها نهاية ، دگ المنبه وطفيته وبلش يومي الصعب اختاريت لبس رسمي مع حذاء رياضي وخليت مكياج بسيط بس حتى يغطي الهالات الي جوا عيني وتعب وجهي الشاحب سويت لنفسي لفه حاولت اكلها بس من التوتر مكدرت ونفسي چانت تلعب عفتها وطلعت  والطريق كله جنت اقرا ادعيه واردد ايات حتى اتقوى 

الطريق الطويل صار خمس دقايق بحيث حتى افكاري ملحكت ارتبهن نزلت وجانت الرجفه بكلبي بس جسمي ومظهري ثابت فتت للمكتب بخطوات ثابته ونظراتي ع الگاع اخاف اشوف شي مجنت اريد اشوفه دخلت مكتبي بسرعه وسديت الباب  وطبعاً ممنوع نسد الباب بس من التوتر مردت اشوفه وطبعاً جانوا يارا وريان ينتظروني 

- يارا:- ول هلا والف الهلا توي نور المكتب

- منور بوجودچ حبيبي

اخذتني بحضنها واني غورگت عيوني بس حبستها لان مجان وكتها

- ريان :- واخيراً توي نور المكتب

- عاد مبين قصدك بس راح نمشيها النور نورك

- ههه لا شدعوه لتفهميني غلط مدا اقصد ع الشغل

- يي صح مبين ولا فهمتك غلط اصلاً

- يارا:- اوي شنو هالهدوء شنو هاللطف

-  استغفر الله يا ربي غير استوني جيت ودااحاول احترم  لو ميفيد وياچ

- ها عفيه عبالي اتغيرتي وعقلتي

- لا ما اعقل حبي دامج وياي

- هه ترا بايخه متضحك ،المهم يمي كومة شغل بس اجيت اقوم بالواجب اروح هسه وراجعتلج بس اكمل

- صاحبة واجب مو بيدج بعد عيني اخذي راحتج

راحت يارا وكعدت على مكتبي

- طبعاً احب اصارحج بشغله

- الله يستر من صراحتك

- اريد اخذ اجازه واعوف الشغل براسچ

- ههههه عبالي صاير شي خوفتني

- شيصير اكثر من انج ماخذه اجازه اسبوعين والشغل براسي

- هههه يابه ادلل مدام داومت اليوم راح احاول اعوضك عن ايام الشغل الي چنت بيها وحدك واشتغل كل شغل اليوم

- اريد اعترفلج بشغله الاخ

- الله يستر منك اليوم كله اعترافات

- ههه لا اعتراف خفيف لطيف لتخافين هو بصراحه اني مچنت اشتغل وحدي طلعتي محبوبة الجماهير واني ماادري