ماس

البارت السادس والعشرون والاخير

مـاس ل شـفاء آل سـالم

لم اكن اتمنى ان تكون نهايتي سعيدة
بقدر ما تمنيت ان تكون نهاية تستحق جهدي
الذي بذلته طوال سنوات كأن تكون بجانبي مثلاً

ل شفاء

متكفي كل العبارات وحروف اللغه العربيه انه توصل شعور هاللحظه

وجودها ما اجه بالساهل اجة نتيجة دعوة بصلاة الليل بقلب صادق

بكد خوفي وكسرتي الله عوضني بوجوده عن كلشي بچا عيوني

جانت اول دكة گلب وراح تكون وياها اخر دگة كلب

نظرات عيونه ملاذي الامن الي بدد خوف سنيني

وجودها الشي الي غير حياتي للاحسن ولونها بلون الفرح

تمر الايام السعيده سريعه بهوستها وفرحتها بين تحضيرات ورغم كل الشغل والتعب تبقى من اجمل الايام ...

يوم العقد .......

اجوي اهله حتى نعقد بعد ما تم الاتفاق على كلشي المهر المقدم والمؤخر بعقد الشيخ جان حسين موجود ووياه كل خوالي وجيرانه وحمدلله تم كلشي على خير وبسهوله

لبست فستان سمائي وسويت شعري كيرلي شوي مكيجت مكياج بسيط ما عدا الحمره الحمرا الي لازگة بيها ،طبعاً كوشه العقد  والتجهيزات جان شغل البنات ووياهم يارا لان اني چنت يا دوب الحگ حتى اجهز نفسي ،بعد عقد الشيخ لبسنا حلقات  حتى لا اسوي حفله اخرى وهوسه وشلون احب الهوسه اني ....

اجه انس جان لابس خليجي دشداشه بيضه ووياها بشت اسود مثل اتفاقنا

اول مدخل باسني من گصتي وهمس بأذني

- المعقده صرتي حلالي

بهاي اللحظه ضحكت من گلبي وبين اثر هالكلمه بوجهي من الفرح چنت طايره وجانت الفرحه باينه بوجهي، كلشي صار مثل ما اتفقنا وخططنا واتمنيناه واحسن هم ، سوينا حفله صغيرونه اهلي واهله بس لان احنه الاثنين منحب الهوسه ودائماً القليل الصادق خير من الكثير المزيف ،
طول الحفله انس مشال عيونه عني وهو مبتسم وكل شوي يهمسلي

- صرتي الي وكدامهم كلهم

ويكرصني حته يتأكد انه هاي اني الي وياه ويطلب مني اكرصه حتى يتأكد انه هالشي حقيقه مو حلم .....

بطلب منه گمنه حتى نرگص

همس انس بأذن اخته ع الاغنيه الي راح نرگص عليها

اشتغلت الاغنيه وبلش يدندن وياها

قولي لامك يا بنت جاي الليله اطلب ايدك
وانا بعمري عاقل كنت وحياة الاله بريدك

جان يغني بعلو صوته ويأشر على امي ما اعرف وين راح الخجل والمستحى يمه جان صوته بعلو الاغنيه الكل جانوا مبتسمين وعيونهم علينه اما اني ف جنت كلش مستحيه رغم مجان اكو احد غريب