البارت الخامس
مـاس ل شـفاء آل سـالم
مهما قابلت ناس هيفضل الشخص "المُريح"
هو المُفضّل بالنسبالي
اللي مابيخلنيش أفكر لحظة قبل ما أتكلم
وبقول اللي ييجي على بالي من غير حسابات
واللي مهما حكيتله بيتقبّل كلامي وأفعالي
حتى لو مُختلف معايا
اللي بيخليني على طبيعتي ومحتاجش أي مجهود لتوضيح كلامي أو تبرير أفعالي.
بعد طريق ما اعرف شكد استمر سويت بي كلشي تقريباً قريت ونمت وباوعت فلم بس وصلنا لكينا توته وعلوش وابوهم وياهم بالباب منتظرينه واصلاً خبصونه كل الطريق يخابرون يسألون وين صرتوا وشوكت توصلون نطيناهم خبر لو تورطنا ....
بس وكفت السياره ونزلت منها ماما اجوي يركضون لحظنها وابوهم وياهم واكيد ماما متفوت هالفرصه حتى تبجي حضنتهم وكعدت بالكاع تبجي كدام الباب وهم بحضنها وعلى بجيها كاموا يبجون وطلعت رولا وكامت تبجي وياهم بقيت اني بس اباوع مردت ابچي وجنت احاول اسيطر على نفسي لان جنت مختنگة ومحمله هواي وبس اريد حجه حتى ابجي، بس من شفت هالمنظر انفتح الحظر عن دموعي وبچيت من كل عقلي كعدت يمهم وابجي بقهر وحسرة مااعرف ابچي على شتات عيلتي لو على كسرة گلبي وخيبتي لو على دنيتي الي ماسحه الگاع بيه، شكد بقينه هيج ما اتذكر بس كام حسين واخذني بحضنه وهو يمسح بدموعي وماما مخليه توته وعلوش بحضنها وساندتها رولا ودخلنا جوا للبيت ........
...........
جانت هاي المره الاولى الي اروح بيها وحدي بدون احد من اهلي سفره وجان وجود يارا وياي مطمني شوي ومقلل من توتري وخوفي بالاخص كلما اتذكر كلام ماما وهي تكلي كلبي ممطن ولا مرتاحه لهاي السفره....
الجو يجنن جان بداية الشتا وهوا بارد وطريق طويل طلعت كتاب بتلفوني وخليت الهيدفون حتى اكدر اقرا بقيت نص ساعه اقرا واحس نفسي نعسانه شغلت الاغاني واجتي الاغنيه الاحب على گلبي والي صارت النشيد الوطني الي ونمت على صوتها.......
مدري باكر هالمدينه وش تكون
النهار والورد الاصفر والغصون
هذا وجهك يالمسافر لما كانت لي عيون
وينها عيوني حبيبي سافرت مثلك حبيبي
القطار وفاتنا والمسافر راح
لمن كعدت جنا توي واصلين السيطره نزلنا على مود شغلة الدخوليه والاقامه صحصحت بعد ما اخذت غفوه مدتها يمكن ساعه ساعتين مااعرف بس چانت نومه عميقه وكلش كعدت مكسره تكسير ،والظاهر مجنت اني وحدي نايمه لان اغلب الي موجودين كعدوا يتثاوبون مطولنه هواي بالسيطره وراها طلعنا للفندق رأساً وي كل مكان نوصله ادز لماما رساله حد موصلنا الفندق خابرتها حتى اطمنها وافوت ارتاح...
- هلا ماما
- هلا يروحي
- احنا توي وصلنا الفندق
أنت تقرأ
ماس
عاطفيةنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
