البارت الرابع
مـاس ل شـفاء آل سـالم
إنك لاتستطيع تعليم شخص كيف يضحي من اجلك
كيف يفهم صمتك، كيف يحتوي ويخاف ويشتاق
لاتستطيع أن تخبر احدهم كيف يحبك
أنها أشياء لاتُطلب.
بقى يمي وقت منا ل ٣ ايام حتى اقنع ماما وما افقد الامل بهاي السرعه بس امي واعرفها راح تعبني هواي وتشلع گلبي يلا توافق هاي اذا وافقت هالمره مع انها ابد مترفضلي طلب اذا تكدر تسوي الي او متوفر واذا رفضته نگعد نتناقش يا اما تقنعني او اقنعها بس هسه مااعرف ليش هيج ردة فعلها بدون نقاش او حتى لتنطيني اسباب وسدت الموضوع لاول مره تسوي هيج.....
كمت مددت حتى ارتاح بقيت افكر بطريقه اقنع بيها ماما حد مغفيت .....
فزيت اثر حلم مرعب كعدت واني كلبي بأيدي صار فتره الكوابيس متعوفني اذا مو الظهر بليل واذا مو بالليل بعد صلاة الفجر اني الكوابيس تلزمني بفترة لمن تكون نفسيتي متأزمه واكون ع الحافه بس هالفتره اني ابد مستحيل مرتاحة ومعندي شي مضايقني ابد يوصلني لدرجة اكوبس ....
كعدت سويت كيكة لماما لان تحب الكيك الي اسوي بس نادراً اسوي لان اكون تعبانه او مالي واهس ومن بدون واهس تخرب ف يعني حركاتي كلها مكشوفه وقديمه بس لازم احاول
- لا تعبين نفسج ماكو روحه
- ترى مشتهيه الكيك وداسوي يعني ميصير
- لا بس خاف دتحاولين تقنعيني
- لا ما احاول عادي واذا انطردت
سكتت وطلعت بسرعه حتى ما انطيها مجال تناقشني وسويت نفسي زعلانه حتى اكسر بگلبها
لحكتني للحديقه ابتسمت بداخلي حسيت بالنصر
- كومي كملي كيكتج عود ازعلي
وراحت وعافتني اني متأكدة هي جتي حتى تتطمن عليه اذا جنت ابجي او لا بس مكدرت ابجي شسوي يعني ، تالي كمت كملت الكيكة مثل الخوش بنيه .....
كعدت الصبح واني مطنكرة ما تريگت ولا اخذت شي وياي عود زعلانه وصلت الدوام والبوز مترين بالكوة داومت مالي واهس لان كلها راح تروح بس اني لحد الان ممحصلة موافقه ولا جايبه مستمسكات ولا سويت كلشي فوك القهر امي قافله وحتى سيرة الموضوع متقبل اجيبها
- يارا:- ها شبيها الصخله
- ماس:- سلامتج
- سلامتج شنو ترا ماكو احد غيرنا هنا،تحجين وياي؟!
- لا احجي وي الجني مالتج
- يماااا خوفتيني
- وجعااااا امشي منا ترا مالي واهس
- شبيج ولج من صباحيات رب العالمين كالبه خلقتج
- ماما ما اقتنعت اروح ومو بس هيج قافله هم
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
