ماس

البارت الثاني والعشرين

مـاس ل شـفاء آل سـالم

مُتعَب من التساؤلات
ومن التخمين
ومن كل ما يَجعل الإنسان في حيرة
مُتعب من الصمت
ومن التحدث دون جدوى
ومن نفسي اكثر ..

- واذا كتلك هي يمها حبيب وصارلهم فوك ست سنوات سوه وهي متحبك اصلاً بس جكر بحبيبها رادت تخطبون حتى تحرگ كلبة لان تعاركوا وعافها وبعد ما خطبتوا رجعوا لبعض  

- زين اني اذا كلت لاهلي واهلها هيج محد راح يصدگني لان ماكو دليل على كلامي

- امممم كل الادله يمي شتريد منهن

- يعني صور الهم سوا محادثات ڤيديوات كلشي يمچ وتعرفين انه ممكن يساعدني احتاجه

- باوع هذا رقمي بليل راسلني وادزلك كلشي لان هسه ما اكدر ادزهن لازم ادورهن واجمعهن اول شي وهم يمي شغل هواي هسه

- اني اساعدج بالشغل واخلصه كله

- ههههه ليش احسك خايف انه اتراجع

- بصراحه ييي ممصدگ جتي هيج فرصه ليمي اخاف اضيعها

- لتخاف اني گد كلامي نحجي بليل ان شاء الله

- تمام شكراً الج راح اتعبج وياي

- ولو تعبك راحه

طلعت وعفتها واني احس بفرحه داخلي وروحي ردتلي يعني لو مو بالشغل هسه اكوم اكمز واعيط هنا

اجه الليل وطال الانتظار ولأول مره من فتره طويله انتظر الليل يجي وما اضوج واختنك بيه

- هلوووو

- اني انس

ورا نص ساعه صراع مع الوقت والف فكرة براسي تروح وتجي منزل التلفون من ايدي ولا خرجت من محادثتها واني افكر وخايف انها تراجعت اجاني مسج قطع افكاري السوداويه كلها

- هلا عيني

- هلا بيج

- يي شلونك اخبارك

- حمدلله انتي شلونج

- زينه عيوني اسأل عنك

- تسأل عنج العافيه ، نفوت بالموضوع

- يي هسه ادزلك كلشي

- تمام انتظرج

- بس ترا النت مو كلش وهم هواي مقاطع فيديو وصور

- عادي انتظر معندي شي اصلاً

وصلن يمي تقريباً ٧٠ صوره وفيديو من يمها وحفظتهن بسرعه خفت لا تتراجع وتمسحهن

- كلش شكراً الج وممتن لان متعرفين شون ساعدتيني وراح تغيرين حياتي وشتردين اني حاضر

- لا عادي عيوني سويتها لوجه الله وهم انت تستاهل ادري بيك متحب زهراء وهم ادري بزهراء متحبك ف ليش تنضلمون