مـاس ل شـفاء آل سـالم
- نستحِقّ أن نُصبِح شيئاً إستِثنائِياً ،
أن يَشعر كُلّ مَنْ يرافقنا بالفَخر لإمتلاكه شخصاً مِثلنا ،
نستحِقّ أن يُحارب لأجلنا ،
نستحِقّ أن نكُون مِنْ أوّل الأولويات وَ عَلىٰ رَأس القائِمة ،
نستحِقّ أن يُكتفىٰ بنا ، وَ أن نُصبِح الإختِيار الأوّل إن تعدَّدت الخيارات ،
فَلا الهَوامِش تلِيق بنا ، وَ لا أنصاف الأشياء تعنِينا .
ما اعرف افرح لو ابجي ع الي ديصير بيه كل الايام الي فاتت عشت تجربة الفقد للمره الثانيه بس هالمره شعور يختلف جذرياً لمن تكون باني احلامك وطموحاتك وكل مستقبلك وي شخص ومتخيل نمط حياتك وياه باقي اخر خطوه بس انه تنجمعون سوا فجأه يجيك راشدي يصحيك من احلامك ويخرب عليك كل مخططاتك .......
شنو الخلل الي صار وشنو الشي الي گلب كل الموازين بحياتي ما چنت اتمنى حياة ورديه مثل الافلام ومثل اميرات دزني جنت اريد حياة بسيطه
جنت اريد چتف اخلي عليه راسي نهاية اليوم
شخص احچي كدامه بدون ما اخاف انه يفهمني غلط
انسان يسندني ويسعدني بدون ما اطلب
شخصص يخاف الله بيه بس....
صرت اخاف من كلشي
اخاف ارجع اثق وانكسر مره اخرى
اخاف اكدر ارجع احب وانخان
راح اكدر انسى الي صار تعبت من المحاولات ،
بالي مشغول بالي صار مجرد اذيه ووجع راس بدون فايده واني بلشت بخطة حتى اقدم للماستر هاي السنه بس مدا اكدر اقرا او اركز او حتى اذا قريت مدااستوعب شنو الي اقراه احس نفسي مثل الطفل الي توه ديتعلم الكتابه والقراءه كلشي صعي وممفهوم وما اعرف منين ابلش
وصلتني رساله من انس
- ها وينج مختفيه اليوم
- موجوده
- ليش متدزين وتسألين لعد دامج موجوده
- مشغوله
- اها بشنو
- كاعده اقرا
- لشنو
- للماستر
- اها قدمتي
- لسه ما انفتح
- ها تقرين من هسه
- يا دوب الحگ
- اها بيها الخير
- خير يصيبك
- ضايجه من شي متضايقه
- لا عادي
- اها لعد اترخص اني شغلتج
- الله وياك
ما اعرف ليش هيج دااحاول استفزه واحجي وياه ببرود وأختصار تكررت هالمحادثه اكثر من مره بس مو بيدي احس اكو شي ديمنعني ارجع طبيعيه وياه خوفي من انو ارجع اخسره وجعي الي عشته بالفتره الي فاتت موت الحماس واللهفه الي بداخلي بحيث وصلني لمرحلة اليأس ،ما اعرف حتى بعد ما حجى وياي مكدرت ارتاح وارجع طبيعيه
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
