مـاس ل شـفاء آل سـالم
ما بيننا يا حبيبي
لم يكُن عابرًا،
و لم يكُن شيئًا سهلاً ليتخطاه كِلانا
إنه شيئًا أكبرُ من الحُبّ
من الكلمات، من الأغنيات
ما بيننا لم يكُن محض صدفة
لقد خصّك الله لي
جعلك من بين الناس
أجمع حُبّي الوحيد.
يصعب على الانسان انه يعيش حياة غير الي يتمناها وانه ينجبر يسوي اشياء تخالف رغباته واحلامه وتخالف الاشياء الي يحبها وينجبر انه يستمر بيها
ويصعب عليه انه يرتبط بشخص ميحبه ويتعايش وياه يمكن الحب شعور مو كلها تعرفه ولا كلها عايشته
بس الي عايشه مستحيل يطلع منه مثل ما دخل.....
الفتره الي فاتت چانت اصعب فتره تمر عليه بحياتي كلها صح تغربت وطلعت عشت لوحدي سنين
مو بعدت عن اهلي ولحد الان معشت وياهم سنه كامله على بعضها من سنين طويله بس كل هاي الامور مچانت بصعوبة الفتره الي فاتت ، ما اعرف شون ممكن يجذبك نقيضك انسان مختلف عنك بكلشي
وما اعرف شون ممكن يحتل تفكيرك ويسكن گلبك بدون متنتبه ولا تعرف شون حبيته وممكن يوصل لدرجه انك ادمنته هو وسوالفه وضحكته وعيونه الذبلانه ....
هي مچانت واو هي چانت عاديه بس عاديتها ملفته لدرجة متكدر تتجاوزها عيونها الذبلانه تحچي هواي ولمعتها بيها اسرار
اني مچنت ناوي احبها فضولي هو سحبني الها من اول مره شفتها بالتدريب جذبتني جانت كلش بسيطه ونازكة لابسه سوت بلون اسود مع حذاء رياضي وشال بلون ابيض وعيونها النعسانه چانت سوده بلون گلبها....
جنت مشغول بالتدريب وبتقييم المتدربين ف ممنتبه للمتدربين اكثر انتباهي جان ع الاوراق بس الطريقة الي تتحكم بيها بطبقات صوتها مره ترفعها ومره تنصيها حسب اهمية الكلام خلتني اعوف كلشي بيدي وانتبه عليها جان وياها ولد بس مچان اله دور ابد مغطيه عليه بحضورها جانت واكفه وراه بحيث متبين كتلني الفضول وكمت حتى اشوفها شدتسوي بدون لتنتبه الي جانت هي تحچي وهو يكرر وراها انصدمت من شجاعتها لان احنه الاغلب چان كادر رجالي وعدد قليل بنات من مدربين ومتدربين هو ولد وارتبك وخاف بس هي صدمت الكل بقوة شخصيتها وحضورها وابتسامتها الي منزلت عن وجها طول مچانت تقدم وطبعاً مجنت الوحيد الي انعجبت بيها وبأدائها عيون الموجودين جانت تحجي من نظراتهم الها ، مهتميت گلت عادي وشنو يعني مثل ما لفتت نظري باجر من لود الشغل يوم يومين انساها ...
بقت تروح وتجي ببالي ضحكتها عيونها الذبلانه
طريقة كلامها وثقتها الي تشع بعيونها وصرت اتخايل وجودها وياي رغم غيابها ....
استمريت على هاي الحاله فتره بين اتذكرها وبين اتناساها منسيتها بس جنت احاول اتناسه واتعايش وين اشوفها بعد هي بمكان واني بمكان ولا اني مراهق حتى احب من اللقاء الاول هسه الي يسمعني شيكول غير يشبع ضحك عليه .....
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
