ماس

البارت الثالث

البارت الثالث

مـاس ل شـفاء آل سـالم

لهفة البدايات مش حُب صادق دايمًا
مينفعش تتأكد من حُب شخص غير لما يشوف عيوبك، حُزنك، تتخانقوا وتتصالحوا ألف مرة وتشوف هيفضل يحبك ولا لأ
ووقتها يا هيحبك كُلك يا هيسيبك كُلك
الحُب بيبدأ لما فترة الحماس بتاعت البدايات دي تنتهي..

خلصت ال ٣ ايام محد اتصل بيه بقيت سهرانه لوقت متأخر انتضر اتصال او رساله بس بدون فايدة كلشي ما وصلني بمعنى انه اني ممقبوله, ضجت كلش وانقهرت حتى عيني متاخذ نوم من التفكير يمكن لان تعودت على شغلي وعلى كلشي بي رغم علاقتي مجانت زينه او قوية بالكل بس جنت متأقلمه مو اكثر .....

كمت سويت كهوه لنفسي ولزمت كتاب (حياتان لانثى واحده ) شكد حاولت اقراه او اركز عليه مكدرت جانت عيوني بالكتاب وبالي بالمقابله احس فد شي بكلبي ينغزني سديت الكتاب وبقيت افرفر بالانستا حد ما اخذني الوقت ونسيت نفسي ،حسيت  على نفسي لمن اذن الفجر صليت وكعدت ع السجاده ادعي

- يا رب العالمين انك تعلم ولا اعلم ف اختر لي ولا تخيرني ،يا رب الشي الي مبي خير الي  يارب ابعده عني حتى اذا اني اريده والشي الي بي خير اكتبه الي حتى اذا جنت ما اريده وكلتك امري ف انت خير وكيل 

تذكرت الشغل ونزلت دموعي ما اعرف ليش بس جانت اكو غصه بكلبي طلعتها احس ارتاحيت شوي بس گعدت ادعي وافضفض ، لملمت السجاده وكمت مددت بفراشي بقيت ب النص ساعه واني بس اتكلب ميته نعس بس الضوجه الي بداخلي واملي الجبير اني انقبل راح ف جان صعب انه اتصرف وكأنه ماكو شي وانام بهاي السهوله .......

كعدت الصبح على صوت ماما وهي تهز بيه

- كومي ماما كومي تلفونج صار ساعه يدگ

- منو

- ما اعرف بس رقم

عين مغمضه عين مفتحه رديت ع التلفون واحس صوتي ماكو

- الو

- الووووو

- هااا

- ست ماس

كال هيج واحس نفسي انضربت راشدي خلاني اصحى واحجي زين

- يي اني تفضل

- اني محمد من منظمة....... طبعاً انتي نجحتي بالاختبار وتأهلتي بس لان رقمج وصلني بوقت متأخر البارحه ف مكدرت اتصل عذريني

- لا عادي استاذ

- ع العموم ننتظرج اليوم بالاجتماع ساعة١١

- ان شاءالله استاذ شكراً

سديت الخط باوعت للساعه جانت ساعه ١٠ الصبح يعني الاجتماع بعد ساعه

- ها ماما منو هاذ الي جنتي تحجين وياه 

- الحمدلله ماما الحمدلله رجعت لشغلي وهذا الي خابرني الاستاذ يمنا اجتماع ع ال ١١