مـاس ل شـفاء آل سـالم
لا أزالُ عالقْ بكِ
كمُسمارٍ بالجدار
وانتِ اللوحة
التي أتمنى حملّها
طيلة حياتي
ما اكدر اكول جانت هي اول حب بحياتي او حتى اذا تتسمى حب اصلاً
باليوم الي سافرت بي بعد ست شهور بالضبط وصلني مسج منها
هلاو انس شلونك ان شاءالله تكون بخير ما اعرف شون افاتحك بالموضوع
من اليوم الي رحت واني ببالي الموضوع وافكر بيه حتى لا استعجل واخذ قرار غلط وهم مچانت يمي الشجاعه حتى افاتحك بالموضوع واليوم يلا كدرت اقرر
بعد تفكير كلش طويل حسمت الموضوع
اني من البدايه لو مو وصية بيبي مفكرت بيك ولا حبيتك اصلاً بس بعدين تعودت عليك وصرت احبك وانت ولا يمك الموضوع حتى من چنت هنا محاولت تتقرب مني او تبين حبك الي تغازلني حتى كلمة احبج الي هي ابسط شي مسمعتها منك ع الرغم من احنه وصغار سوا ، وهسه انت من رحت بقيت نفس الشي متغيرت حتى رساله مدزيتلي ولو بالغلط ف يعني اني ممجبوره ابقى انتظر شخص ميمه مشاعر اتجاهي وما اعرف شوكت راح ترجع واذا رجعت راح تحبني او لا وانت هم يمك بنات اشكال الوان اكيد راح تلعب بذيلك وتصادق وتفوت وتطلع وتاخذ راحتك وياهن ، ف اني مراح اكدر اكمل وياك من حقي احب وانحب ليش اضيع عمري وانتظرك ٦ سنين ماليش وهم لو ترجع تحبني لو مترجع ف سوري يعني لهنا واعتبر كلشي بينا انتهى واتمنى متدز اي شي ولا ترد ورقمك راح احذفه لان ماكو شي غيره باقي منك يمي مع السلامه
واني اقرا بالرساله الابتسامه شگت حلگي شگ
احسه هم وانزاح مني جنت متقيد بيها كدام الكل احنه لبعض حسب وصية بيبي واصرار العيله على هذا القرار بس من ناحيتي مجان يمي اي مشاعر الها حتى وان جنت احجي وياها ونكعد نلعب او نطلع سوا مرات بس هالشي مجان خاص بيها جنت هيج وي كل بنات عمي شي رسمي وسطحي ميتسمى علاقه او حب بس الي صدمني قرارها الي جنت منتظره منها من فتره طويله لان مردت يجي القرار مني واكسر گلبها وهم حتى ليزعل بابا وحمدلله اجه منها من البدايه كل الي صار غلط بغلط بس لخاطره وافقت حتى لا اكسر كلامه مو اكثر....
بقينا طول الست سنوات مبينه شي ولا حتى اي رساله وچنت من ارجع زياره لاهلي ويجون حتى يشوفوني علاقتنه عاديه كدام الكل سلام وكلام حالها حال البقيه بقت هيج فتره كلش طويله كل الي على بالي انها حاچيه الهم انها نهت كلشي لان ولا مره فتحوا موضوع الخطبه وياي مثل كل مره من نلتم ومثل اخر مره قبل لا اسافر اكلوا راسي اكل بالسالفه ما اعرف شون عدت ومعقدنا قبل لا اسافر....
بالفتره الي رجعنا بيها لبيتنا ومنطقتنا وصرنا قريبين من بعض صارت كل يوم تطلع بوجهي وجنت اعوفها وامشي وحتى مرات جانت تذب حچي مجنت ارد حتى لا افتح مواضيع بعقلي صارت قديمه جنت ناسي كلشي باعتبار الموضوع انتهى من زمان .....
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
