مـاس ل شـفاء آل سـالم
"أرجو ألّا تتوقع مني أن أكون جيدة و طيّبة و محببّة على الدوام، هنالك أوقات سأكون فيها باردة و يجتاحني الفراغ ومن الصعب أن تفهمني."
- زهراء:- هلاو بنات شلونكم
- يارا :-هلا بيج
- ست ماس شدعوه متردين ترا السلام لله
- ماس:-رديت بيني وبين نفسي مو شرط تسمعين مدام السلام لله
- اووي شدعوه متنرفزه ترا اني محچيت شي
- ولا اني گلت انتي حچيتي شي
- لا بس گالبه خلقتچ ومتتحاچين
- لا عيوني هي خلقتي هيج من الله لا گالبتها ولا شي
- لعد اذا انتي هيج محد يلومه لانس من عافچ ٢٤ ساعه مبوزه وميعجبج العجب اكيد يعوفج ويجي على وحده مثلي حلوه وفرفوشه خو يروح ع النكد برجليه ،تدرين شنو اني بصراحه كلش انصدمت من اجه خطبني معبالي حاطني بباله ف انكسر گلبي عليه ووافقت هو الظاهر هم ممصدگ وبسرعه راد نلبس حلقات وي عقد الشيخ كلش جان مستعجل يعني لو يريدج يا عيني چان تقدملج من البدايه بس چان يقضي وقت وياج ويتونس براسج وانتي هم وجه البومه صراحه مدري شون چان متحملچ
ابتسمت حتى اضوجها ومتحس بالنار الي اشتعلت بيه
- ههههه كلامج ضحكني كلش ، اول شي اني انخسر ما اخسر هاي شغله خليها ببالج
والشغله الاخ انتي ما اخذتي الا بقاياي ف بالعافيه عليج زبالتي
درت ضهري عنها حتى امشي واعوفها
- ها وقبل لا انسى الطيور على اشكالها تقع ف يعني الزباله للزباله
بعد مخلصت كلامي انتبهت انه انس چان واگف وراها ما اعرف شوكت اجه او هو من شوكت موجود وشنو سمع من كلامي بس ميهمني مشيت وخليتها مااعرف ليش حچيت بهالاسلوب وما اعرف اني من شوكت صايره هيج بس حرگة گلبي غيرتني وخلتني انسانه ما تعرف حتى نفسها وما غيرتني الا للاسوء ....
مجنت اتخيل انه ممكن يجي يوم ويتحول الحب لكمية حقد وكره ما الها حد هالمشاعر هي المسيطره عليه حالياً غضب خوف ندم قهر حسره وجع خذلان كلهن دا اعيشهن مره وحده شون حاويتهن مااعرف ،
مدااكدر اتخطى واتجاوز انتطره ينحط بنفس الموقف الي اني بي هسه حقد كره عدل ما يهمني شنو الي دااطلبه الي يهمني انه ينخذل وانه يعيش نفس الشعور الي دااعيشه ونفس الوجع ، اذا انخذل وانكسر اني متاكده راح اتخطاه وكأنه ما چان بحياتي ابد بس اهم شي يبرد گلبي ورب العالمين ياخذلي حقي الكسرة بالكسرة .......
صعدنا بالسياره والطريق كله يارا مسكتت
- ولجج معرفتججج صايره قويه
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
