مـاس ل شـفاء آل سـالم
كيف يصف الإنسان خيبة أمله
في الأشياء كلها دون أن يبكي؟
مشت الايام وجنت اتجنب اشوفها نفسي بس اراقبها من بعيد لبعيد حتى لتنهار او تسوي تصرف ممكن يجيب الها حجي وتتأذى اكثر بسببي جنت دايس على گلبي علمودها وحتى لتتأذى صح جنت متأذي لان كدامي وجانت تحجي وي الكل ما عداي بس جان يكفيني انها موجوده....
اني وكاعد اشتغل طفى تلفوني شحن بدون ما انتبه وهاي اول مره اوصل لمرحله يطفى تلفوني لان احتاجه واغلب الشغل بيه ف توي خليته ع شحن اجتي زهراء عليه
- عمو يريد يحجي وياك
- منو ؟!
- ابوك
نطتني التلفون وطلعت
- ها بابا
- اتصلت بيك تلفونك طافي
- يي ما ادري بيه مخلص شحن ف هسه خليته ع شحن بس بعد مشغلته محتاج شي يابه
- خابرتك على مود علاج الضغط مالتي مخلص بس حتى من تجي تجيبلي وياك
- تمام حجي بعيوني
- عفيه ابني
غلق الاتصال واجه اشعار للتلفون
- وين نتشاوف اليوم مگلتيلي
سحبت الاشعارات وجان رقم مكتوب عليه
Baby♥️
اجه مسج الاخ
- وينج حبيبي
حاولت اخذ الرقم بس مكدرت سمعت صوت كعبها بسرعه خليت التلفون على اذني عود دااحجي
- يلا تمام بابا ان شاءالله
- مع السلامه
ها خلصت التلفون
- يي خلصت
- خو بي شي عمو
- لا بس محتاج علاج
- تمام
اخذت تلفونها وراحت بس اني بقه ببالي الاسم والرسايل يعني منو هذا الي تحچي ووياه ويريد يشوفها طلعت من مكتبي حتى اخذ تلفونها بعد
عود اخابر بي اريد اشوف محادثات اي شي ممكن يفيدني وقبل لا ادخل اسمعها تحجي وي رؤى
- عفيه حبابه تعالي وياي اليوم
- احس نفسي لزكة كل متطلعون اجي وياكم
- لا بالعكس والله نتونس بيج عفيه اذا متجين تاخذيني لازم احد يجي وياي اذا اروح بتكسي او واحد من الولد يوصلني ويبقى وياي بس اذا انتي اجيتي وياي اطلع وحدي حتى اكدر اشوف سوني
- اخذج اوصلج للمول بس اروح واعوفج
- منو يرجعني
- اممممم عود من تخلصين خابريني لان مدام رايحه هم راح اخابر كرم حتى نتشاوف
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
