مـاس ل شـفاء آل سـالم
المظهر الثابت والجميل بعد كل انهيار
هو اقوى سلاح للمرأه بعد الفراق
او هي الخطوه التاليه للانتقام
ل شفاء
بدا ليلي الطويل
من اليوم الي افترقنا صار الليل يضوجني وكلش احسه ثقيل عليه صار الليل يبچيني ويخنگني ، بعد ما چنت احبه لان جان يخلص بسوالفه وحبه واهتمامه بيه الشغلات الي چنت احبها وچانت تعنيلي هواي هسه صرت اخلص ليلي بيها بين الندم والقهر وجلد الذات ....
اخذت بندول وبلشت سهرتي الي مبيها اي شي يوحي انها سهره غير عيوني الي كل ما اغمضها احسها تحرگني وتبعدني عن النوم كلشي بيه يوجعني روحي وگلبي عقلي وراسي جسمي كله مسوي حفله يتراقص من الالم تضامناً مع افكاري
دگ تلفوني
- هلا حبيبي
- هلا سمسم شلونج
- حمدلله زينه
- امممم بس صوتج ميوحي بهالشي
- صوتي وعيوني وراسي وكلشي بيه ميوحي بس اني صلفه ومقاومه معليج يجي يوم واتخطى واعيش الكسره الي متموت تقوي
- بسبب الي صار اليوم ؟!
- مااعرف يمكن الي صار اليوم جان حمل زياده ع الحمل بس مو السبب الرئيسي
- زين شنو الي قهرج وخلاج منهاره هيج اليوم شگلج انس؟!
- كلامه كله ما اعتذر ما برر ما حچه اي شي يبرد كلبي اي شي يحسسني انه ندمان ع الي صار اي شي بي اعتذار او انه غلط بحقي وحتى عيونه مشفت بيها الحب الي چنت اشوفه ما ادري اني الي جان يتهيألي انه يحبني ما ادري چنت معميه مااعرف بس كل الي شفته شخص غريب عني مو أنس القديم الي اعرفه رغم قربه بگلبي وهالشي كلش اذاني مجنت متوقعته يتغير هيج ،هههه اسمعي اني الغبيه بعد كل الي صار لساتني انتظر واتوقع منه
- مااعرف شگلج وشون اواسيچ وابرد گلبج بس وعيونج تهون وتتخطين وتصير سوالف
- اني اعرف راح تهون وراح اتخطى بس مراح ارجع مثل قبل وهذا اكثر شي قاهرني مراح ارجع نقيه راح ابقى ملوثه بسببه
- لتحچين هيج ملوثه شنو ترى هي تجربه وانتهت ولا انتي اول وحده ولا اخر وحده وفتره وترجعين مثل قبل واحسن هم
- ما اعرف بس مقهوره على نفسي ومقهوره من نفسي وبالاخر اني المتأذيه
- استهدي بالله حبيبي وطردي هالافكار من راسج
- دا احاول والله دا احاول بس مو بيدي هالشي
- باعي كعدي وي نفسج وفكري وتأكدي انه محد يستاهل الي دتسوي بنفسج وتأذيها علموده بالاخر انتي هم بشر والج طاقة تحمل فلا تحملين نفسج فوك طاقتج
أنت تقرأ
ماس
Romanceنحن لا نسقط عبثاً في الحب دائماً ما يوجد سببً او مبرر واغلب الاحيان نحن نسقط سهواً اما ان نكون من المحظوظين ذوي النهايات السعيده او نكون من المحظوظين الذين نالوا شرف الحب بدون ان يهتموا النهايه او نكون من المفقودين او الفاقدين في جميع الاحوال ن...
