🔞My Girlfriend's Family🔞|| BL[COMPLETE✔]

အပိုင်း(၁၃)

Unicode

ညနေသို့ရောက်တဲ့အချိန်မှာတော့ လဲ့ယောင်ဟာဝမ်လီရှန်းကူညီပြင်ဆင်ပေးမှုကြောင့် အဆင်သင့်ဖြစ်နေပြီဖြစ်သည်။ သို့သော်လဲ့ယောင်ဟာဝမ်လီရှန်းပြောသော မွေးနေ့ပွဲသို့မလိုက်သွားချင်ပေ။ ဘာလို့ဆို ဝမ်ချူးလင်နဲ့လဲ့ယောင်သာထိုမွေးနေ့ပွဲကိုတက်ရောက်ရလိမ့်မည်တဲ့လေ။ ဝမ်ချူးလင်နဲ့သိပ်ပြီးရင်းနှီးသေးခြင်းလည်းမရှိသလို ထိုမွေးနေ့ပွဲတွင်လည်းမည်သူ့ကိုမှမသိသောကြောင့် သူဟာထိုနေရာတွင်လူရာဝင်လိမ့်မှာမဟုတ်ဘူး။ သူနဲ့မသိသောလူတစ်ယောက်၏မွေးနေ့ပွဲသို့ယောင်တောင်တောင်ဖြင့်လဲ့ယောင်ဟာတက်ရောက်ရသည်က တောထဲလမ်းပျောက်နေသောကလေးဖြင့်တောင်တူသည်။

ဒါပေမဲ့လည်း ဝမ်လီရှန်းပြောထားသည့် ဝမ်ချုးလင်ဟာသူ့အားလူအများရှေ့တွင်ဝမ်အိမ်တော်၏သမက်အဖြစ်မိတ်ဆက်ပေးလိမ့်မည်ဆိုသောစကားကြောင့် လဲ့ယောင်ဟာမလိုက်ချင်ပေမဲ့လည်းလိုက်ရတော့မည်။

"လဲ့ယောင်..မင်းအရမ်းချစ်စရာကောင်းတယ်"

လဲ့ယောင်မှာသက်ပြင်းသာချမိသည်။သူ့ကိုအဲလိုမပြောဖို့ဘယ်လောက်ပဲသတိပေးပါစေ ဝမ်လီရှန်းကထိုသို့သာအမြဲပြောသည်။ဒါကြောင့် လဲ့ယောင်လည်းလျစ်လျူရှုဖို့သာဆုံးဖြတ်လိုက်၏။

"လာ အောက်ထပ်ကိုသွားကြမယ်"

ဝမ်လီရှန်းအနောက်မှနေပြီးလဲ့ယောင်လိုက်လာခဲ့သည်။အောက်ထပ်သို့ဆင်းလာချိန် အိမ်ရှေ့တံခါးဝတွင်ရပ်နေသောဝမ်ချူးလင်ကိုမြင်လိုက်ရသည်။ ဝမ်ချူးလင်ကဆံပင်အတိုအားနဖူးထက်တစက်မှမကျအောင် သေသပ်အောင်ဖြီးသင်ထားလျက်ရှိကာ လူကြီးလူကောင်းပီသသည့် ခန့်ထည်ကြည်စင်သောမျက်နှာနှင့်ဝမ်ချူးလင်ဟာ အခုချိန်မှာတော့ အကြည့်မလွှဲနိုင်လောက်အောင်ခန့်ညားထယ်ဝါလွန်းသည်။

suit၏အတွင်းဘက်၌နက်ကတိုင်ဟာအနီရင့်ရောင်ဖြစ်ပြီး suitသည်အနက်ရောင်ဖြစ်ကာ နက်ကတိုင်၌ထိုးထားသော ရင်ထိုးကလစ်သည်ရွှေရောင်ဖြစ်သည်။ကြက်သွေးရောင် Long coatကိုပုခုံးထက်၌ခြုံရုံသာခြုံထားပြီး Coat၏အတွင်းဘက်ဟာရွှေရောင်အစင်းရှိသောကနုတ်တို့ဖြင့်ဒီဇိုင်းဖော်ထားသည်ကြောင့် ကြက်သွေးရောင်တို့ကြားလိုက်ဖက်ခမ်းနားစွာထင်းလင်းလျက်ရှိသည်။ ဝမ်ချူးလင်ကရွှေကိုင်းမျက်မှန်ကိုလည်းတပ်ဆင်ထားသေးတာကြောင့် ဂုဏ်ကျက်သရေရှိသောလူကြီးလူကောင်းဟန်ကထင်းလင်းလို့နေသည်။