🔞My Girlfriend's Family🔞|| BL[COMPLETE✔]

အပိုင်း(၁၈)

{My Girlfriend's Family }

--------------------------------------

ဝမ်ချူးလင်ကသူ၏သက်တော်စောင့်ကိုဖုန်းခေါ်ကာ အဝတ်အစားနှစ်စုံယူလာခဲ့ဖို့မှာလိုက်သည်။ ထိုနောက်သူဟာbathrobeဖြင့်ဆိုဖာတွင်ထိုင်နေပြီး မက္ကဇင်းဖတ်နေလိုက်သည်။ လဲ့ယောင်ကတော့သူကူညီပေးမည်ဆိုတာကိုတောင် သူ့ကိုရေချိုးခန်းထဲမှအတင်းနှင်ထုတ်ခဲ့သည်။ သာမန်လူသာဆိုအခုလိုသူ့အားနှင်ထုတ်ရဲမှုကြောင့် ဆိုးဆိုးရွားရွားဖြစ်ရလိမ့်မည်ဆိုပေမဲ့ လဲ့ယောင်ကတော့သူ့သမက်ဖြစ်လေတာကြောင့် ဝမ်ချူးလင်ဟာစိတ်ထဲမထားတော့ချေ။

ခဏနေတဲ့အခါမှာတော့ တံခါးခေါက်သံကိုကြားလိုက်ရပြီး ဝမ်ချူးလင်ကတံခါးသွားဖွင့်လိုက်သည်။ သက်တော်စောင့်ကသူ့ကိုအရိုအသေပေးလာပြီး အဝတ်အစာထုတ်ပေးလာတော့သည်။ဝမ်ချူးလင်လည်းယူကာသက်တော်စောင့်အား စောင့်နေဖို့အမိန့်ပေးလိုက်သည်။

ထိုနောက်ဝမ်ချူးလင်ဟာသူ၏အဝတ်အစားကိုဖယ်ကာ လဲ့ယောင်အတွက်အဝတ်အစားတစ်စုံကိုထုတ်လိုက်ပြီး ရေချိုးခန်းဆီသို့လျှောက်သွားလိုက်သည်။ သူဟာရေချိုးခန်းတံခါးကိုခေါက်လိုက်သည်။

ဒေါက် ဒေါက်

"လဲ့ယောင် ဒီမှာမင်းအတွက်အဝတ်အစား..ထွက်ယူလိုက်ဦး"

ရေချိုးခန်းတံခါးကဖြည်းဖြည်းချင်းပွင့်လာပြီးနောက် တံခါးကြားထဲမှလဲ့ယောင်၏မျက်နှာလေးကထွက်ပေါ်လာသည်။ ထိုနောက်ဝမ်ချူးလင်၏လက်ထဲမှအဝတ်အစားကိုတစ်ချက်ကြည့်လာပြီးနောက် လက်ကလေးတစ်ဖက်ထွက်လာကာလျှင်မြန်စွာဆွဲယူသွားလေသည်။

"ကျေး-ကျေးဇူးတင်ပါတယ်ဗျ"ဟူသည့်အသံကလေးကတိုးညှင်းစွာထွက်လာပြီးနောက် ရေချိုးခန်းတံခါးလည်းပြန်ပိတ်သွားတော့သည်။

ဝမ်ချူးလင်လည်းတစ်ချက်ပြုံးလိုက်ပြီးနောက် သူ့ရဲ့အဝတ်အစားတို့ကိုလဲဝတ်ဆင်လိုက်တော့သည်။ အဝတ်အစားလဲပြီးနောက် လဲ့ယောင်ကရေချိုးခန်းထဲမှထွက်လို့လာသည်။ သူကဆိုဖာတွင်ထိုင်နေသောဝမ်ချူးလင်ကိုမြင်တဲ့အခါ ရှက်ရွံ့သွားသည်။ဝမ်ချူးလင်ကအနက်ရောင်ရှပ်အင်္ကျီးကိုဝတ်ဆင်ထားပြီး လက်မောင်းရင်းထိအင်္ကျီလက်ကိုသပ်ရပ်စွာခေါက်တင်ထားသည်။ သူ့ရဲ့ဆံပင်ကိုအရှေ့တွင်ချထားသောကြောင့် လူကြီးလူကောင်းအငွေ့အသတ်ထက် လူငယ်လေးတစ်ယောက်၏အငွေ့အသတ်တို့ကိုခံစားနေရသည်။သို့သော် သြဇာအာဏာပြည့်ဝနေသေးကာ ပြင်းထန်သည့်အရှိန်အဝါတို့ကိုတော့မလွန်ဆန်နိုင်ချေ။