🔞My Girlfriend's Family🔞|| BL[COMPLETE✔]

အပိုင်း(၁၉)

{My Girlfriend's Family}

--------------------------------------

ဝမ်ချူးလင်ထွက်သွားသည်မှာ ဆယ်မိနစ်လောက်ရှိပြီဖြစ်ကာ လဲ့ယောင်လည်းဗိုက်တင်းပြေသည်အထိပြန်မရောက်လာသေးသော ဝမ်ချူးလင်ကြောင့် လဲ့ယောင်ဟာလိုက်ကြည့်ဖို့ဆုံးဖြတ်လိုက်သည်။ သူVIPစားသောက်အခန်းမှထွက်လာလိုက်ပြီး စင်္ကြလမ်းတစ်လျှောက်အတိုင်းလျှောက်လာလိုက်သည်။ အကွေ့နားသို့ရောက်တဲ့အချိန်မှာ စကားပြောသံတချို့ကိုသူကြားလိုက်ရ၏။

"တောင်းပန်ပါတယ် မစ္စတာဝမ်ရယ် ။ဒီကလေးလည်းသူ့အမှားသူသိသွားပြီမလို့ မစ္စတာဝမ်အနေနဲ့တစ်ခါလောက်အခွင့်အရေးပေးလို့မရဘူးလားဗျာ။နောက်ထပ်အခုလိုထပ်မလုပ်အောင်လို့ ကျွန်တော့်သားကိုလည်းဆုံးမထားပါတယ်!"

ထိုလူကြီးတစ်ယောက်ရဲ့လေသံဟာ အလွန်ရိုကျိုးနေသလို ထိပ်လန့်တုန်လှုပ်ခြင်းတို့လည်းကိန်းအောင်းလို့နေသည်။ ခဏနေတော့သူရင်းနှီးကျွမ်းဝင်သောလူ၏အေးတိအေးစက်အသံဟာထွက်ပေါ်လာသည်။

"မစ္စတာကျင်း ကျုပ်ကဆုံးဖြတ်ထားပြီးသားကိစ္စတစ်ခုကိုပြန်မပြင်တတ်ဘူးဆိုတာ ခင်ဗျားသိပါတယ်။ ခင်ဗျားရဲ့သားကလူပုံအလယ်မှာ ကျုပ်ရဲ့သမက်ကိုအရှက်ခွဲခဲ့သလို ကျုပ်ကိုလည်းထိခိုက်စေခဲ့တယ် ။ခင်ဗျား အခုချိန်မှာလုပ်ရမဲ့အကောင်းဆုံးအရာက လက်ရှိခင်ဗျားရဲ့လုပ်ငန်းကိုမပြိုလဲအောင်ထိန်းသိမ်းဖို့ပဲ.."

"မစ္စတာဝမ်!!!ကျွန်တော်အနူးအညွတ်တောင်းပန်ပါတယ်..ကျေးဇူးပြုပြီးအခွင့်အရေးထပ်ပေးပါဗျာ တောင်းဆိုပါတယ်"

လဲ့ယောင်မှာတိုးတိုးတိတ်တိတ်လေး တစ်ဖက်လူကြီးတစ်ယောက်ကဝမ်ချူးလင်ရှေ့တွင်ရပ်ကာနှိမ့်ချစွာတောင်းပန်နေသည်ကိုကြည့်နေမိသည်။ ထိုလူကြီးကဝမ်ချူးလင်အပေါ်မည်သည့်အပြစ်ပြုလုပ်မိထားလို့ ဒီလောက်ထိခခယယတောင်းပန်နေရတာလဲ။

ထိုစဥ်ဝမ်ချူးလင်ဟာလည်း နားငြီးသောဟန်ဖြင့် လဲ့ယောင်ရှိရာဖက်သို့ခေါင်းလှည့်လာတဲ့အခါ ချောင်းကြည့်နေသောလဲ့ယောင်၏မျက်ဝန်းလေးတစ်စုံဖြင့် အကြည့်ချင်းဆုံသွားတော့သည်။လဲ့ယောင်ကခေါင်းလေးကိုနောက်ဆုတ်ကာထွက်ပြေးမလို့ပြင်လိုက်ပေမဲ့ ဝမ်ချူးလင်ကသူ့ကိုမြင်သွားပြီဖြစ်ကာ"လဲ့ယောင်"ဟုလှမ်းခေါ်လာလေသည်။