🔞My Girlfriend's Family🔞|| BL[COMPLETE✔]

အပိုင်း(၂၃)

Unicode

နောက်တစ်နေ့တွင် လဲ့ယောင်ဟာမျက်နှာသစ်သွားတိုက်ပြီးနောက် သူ့ရဲ့အခန်းထဲမှထွက်လာလိုက်သည်။ဒီအိမ်မှာနေတာကြာလာတော့ လဲ့ယောင်မှာကျင့်သားတောင်ရနေပြီဖြစ်ကာ သူ့အိမ်ပြန်ဖို့ကိုတောင်သတိမရတော့ချေ။

ရေသောက်ဖို့မီးဖိုချောင်ဆီသို့သူထွက်လာတဲ့အခါမှာ စကားပြောသံကိုကြားလိုက်ရသည်။မသဲကွဲသော်လည်း မိန်းကလေးနှစ်ယောက်အသံဖြစ်လေသည်။ လဲ့ယောင်လည်း နံရံအကွယ်မှနေမီးဖိုချောင်ထဲကိုကြည့်လိုက်တဲ့အခါ ပူးကပ်နေသည့်လူနှစ်ယောက်ကိုမြင်လိုက်၏။

ဝမ်လင်းလင်းကကော်ဖီကိုဖျော်နေပြီး ရှန်လီဟွားဟာဝမ်လင်းလင်း၏ခါးကိုဖက်ကာ ပုခုံးပေါ်သို့သူ့ရဲ့မေးကိုတင်လျက်ဝမ်လင်းလင်း၏အနောက်တွင်ရပ်နေသည်။ သူတို့ကစကားပြောနေရင်း ပြုံးရွှင်လို့နေကာ မျက်ဝန်းအကြည့်တို့ကနူးညံ့ပြီးချစ်ရိပ်တို့ဝေစာလို့နေသည်။

လဲ့ယောင်မှာထူးဆန်းလို့သွားရသည်။ဘယ်သက်တော်စောင့်နှင့်သခင်မလေးကအဲဒီလိုနေကြလို့လဲ။ နောက်ပြီး သက်တော်စောင့်ကရော သူ့ရဲ့သခင်မလေးကိုအဲလိုမျိုးတွေကြည့်လို့ရလို့လား။ ညီအစ်မတွေလိုအပြုအမူလို့ပြောရအောင်လည်း သူတို့အပြုအမူနဲ့အကြည့်တို့ကသမီးရည်းစားနဲ့တောင်ပိုပြီးတူသေးသည်။

လဲ့ယောင်မှာသူ့အတွေးကြောင့် ကြက်သီးထသွားသည်။ ဝမ်လင်းလင်းကသူ့ရဲ့ချစ်သူလေ၊ ရှန်လီဟွားနဲ့ချစ်သူတွေဆိုပြီး သူဘယ်လိုတောင်တွေးမိလိုက်တာလဲ။ပြီးတော့ ဝမ်လင်းလင်းကသူ့ကိုတွဲနေတဲ့ဟာကို မိန်းကလေးတစ်ယောက်ကိုကြိုက်ဖို့ဆိုတာမဖြစ်နိုင်ချေ။

လဲ့ယောင်ကပင့်သက်ရှိုက်လိုက်ပြီးနောက် သူကအခုမှရောက်လာသည့်ပုံစံဖြင့် မီးဖိုချောင်ထဲသို့ဝင်သွားလိုက်သည်။

"အိုး..လင်းလင်း..မင်းနိုးနေပြီပဲ"

လဲ့ယောင်ကဝမ်လင်းလင်းကိုမြင်ပြီး အံ့သြပျော်ရွှင်သွားဟန်ပြုမူလိုက်သည်။ လဲ့ယောင်ရောက်လာတဲ့အခါ ဝမ်လင်းလင်းကရှန်လီဟွားဆီမှခွာပြီး အောင့်သက်သက်ဖြင့်ပြုံးပြလာသည်။