🔞My Girlfriend's Family🔞|| BL[COMPLETE✔]

အပိုင်း(၁၄)

[My Girlfriend's Family]

Unicode

"လဲ့ယောင်ကငါ့ရဲ့သမက်ပဲ"

ဝမ်ချူးလင်၏စကားအဆုံးမှာ လူတိုင်းကပါးစပ်ဟောင်းလောင်းဖြစ်သွားကြသည်။ မစ္စတာရန်ကလည်းတအံ့တသြဖြင့် လဲ့ယောင်ကိုတလှည့်ဝမ်ချူးလင်ကိုတလှည့်ကြည့်ကာ လက်ညိုးတထိုးထိုးဖြင့်သူ့မှာဘာပြောရမလဲမသိဖြစ်လို့နေသည်။ သူ့သူငယ်ချင်းကဝမ်မိသားစုထဲကိုသမက်တစ်ယောက်ခေါ်သွင်းလာသည်။ သူသာကိုယ်တိုင်နားဖြင့်မကြားရင်ယုံကြည်လိမ့်မည်မဟုတ်ချေ။ ဘာလို့ဆိုဝမ်မိသားစုထဲသို့သမက်အဖြစ်၊ချွေးမအဖြစ်ဝင်ရောက်ချင်သူများကတပုံကြီးလေ။သို့သော် ဝမ်ချူးလင်ကတစ်ယောက်ကိုမှလက်ခံခဲ့ခြင်းမရှိချေ။ သူဟာသူ၏ဝမ်မိသားစုထဲသို့သူစိမ်းဝင်ရောက်လာမည်ကိုလက်မခံနိုင်ဘူးဟူ၍တောင်သူ့ကိုပြောဆိုတတ်သည်။

ထိုသို့သောလူကအခုတော့သူစိမ်းလူငယ်လေးတစ်ယောက်ကိုသမက်အဖြစ်လက်ခံထားသည်တဲ့။ မစ္စတာရန်မှာတော့အံ့သြပြီးရင်းအံ့သြနေမိတော့သည်။

Liliဟာလက်မခံနိုင်သောမျက်နှာဖြင့်ဝမ်ချူးလင်ကိုကြည့်နေသည်။သူကလဲ့ယောင်ကိုပိုင်းလုံးကောင်ဟူ၍စွပ်စွဲထားခဲ့သည်လေ။အခုတော့ပိုင်းလုံးကောင်ဟုသူထင်မိထားသည့်လူက ဝမ်မိသားစု၏သမက်ဖြစ်နေသည်တဲ့လေ။ Liliကဒါကိုလက်မခံနိုင်ဘူး။ ဝမ်မိသားစုရဲ့သမက်ဖြစ်ချင်တာက သူအပါအဝင်ဖြစ်သောကြောင့်ဖြစ်သည်။ ဘာမဟုတ်တဲ့ကောင်ကဝမ်မိသားစုရဲ့သမက်အဖြစ်ထိုက်တန်မယ်လို့ထင်နေလား။

"အန်ကယ်ဝမ်..အန်ကယ်တော့ဒီကောင့်ကိုသမက်အဖြစ်လက်ခံရင် မှားလိမ့်မယ်နော်။သူ့လိုကောင်ကဝမ်မိသားစုရဲ့သမက်အဖြစ်ထိုက်တန်မှာမဟုတ်ဘူး.."

ဝမ်ချူးလင်ကLiliကိုအေးစက်စက်စိုက်ကြည့်လိုက်သည်။ထိုအကြည့်ကြောင့်Liliကထပ်ပြီးပြောမည့်စကားများကိုရပ်လိုက်ရသည်။

"မင်းကငါ့ကိုလာဆုံးမနေတာလား..ငါ့ရဲ့ဆုံးဖြတ်ချက်အပေါ်လာပြီးဝေဖန်နေရအောင် မင်းကိုယ်မင်းဘယ်သူလို့ထင်နေတာလဲ"

"ကျွန်တော်..ကျွန်တော်ကအန်ကယ့်အတွက်ပြောပေးတာပါ"

"ငါ့အတွက်ပြောပေးရအောင် မင်းကဘာမလို့လဲ။ဝမ်မိသားစုရဲ့အရေးအကြောင်းကိုပူပန်ပေးဖို့မင်းကထိုက်တန်လို့လား"